قۇتقارۋ قىزمەتىنىڭ مالىمەتىنشە, وقيعاعا ەلەكتر سىمدارىنىڭ قىسقا تۇيىقتالۋى سەبەپ بولۋى مۇمكىن. وڭىرلىك توتەنشە جاعدايلار دەپارتامەنتىنىڭ حابارلاۋىنشا, 300 شارشى مەتر اۋماقتى جالىن شارپىعان, دەپ جازادى Egemen.kz.
اقتوبە وبلىسى توتەنشە جاعدايلار دەپارتامەنتى باسشىسىنىڭ ورىنباسارى ەۆگەني وۆچارسكيدىڭ ايتۋىنشا, جالىننىڭ تەز تارالۋىنا شاتىرداعى جانعىش ماتەريال – اعاش قۇرىلىم اسەر ەتكەن. قازىرگى ۋاقىتتا وقيعا ورنىندا ماماندار جۇمىس جۇرگىزىپ جاتىر. سونىمەن قاتار سوڭعى رەت اكىمدىك عيماراتىنىڭ شاتىرى 2024 جىلى جوندەلگەنى بەلگىلى بولدى.
وقيعاعا بايلانىستى قىلمىستىق كودەكستىڭ 292-بابى ء«ورت قاۋىپسىزدىگى تالاپتارىن بۇزۋ» بويىنشا قىلمىستىق ءىس قوزعالدى. تەرگەۋ امالدارى جالعاسىپ جاتىر.
اقتوبەدە وبلىس اكىمدىگى عيماراتىندا ءورت شىقتى
ورتتەن كەيىن اكىمدىك قىزمەتكەرلەرى ۋاقىتشا قاشىقتان جۇمىس ىستەۋ رەجيمىنە كوشىرىلگەن. الايدا, مەكەمە وكىلدەرىنىڭ ايتۋىنشا, عيماراتتا جۇمىس ىستەۋگە مۇمكىندىك بار. كۇننىڭ ەكىنشى جارتىسىندا قىزمەتكەرلەر قايتادان كەڭسەلەرىنە ورالادى دەپ جوسپارلانىپ وتىر.
«6 قاباتتاعى بىرنەشە كابينەت زارداپ شەكتى – ءورت ءسوندىرۋ كەزىندە سۋدان زاقىمدانعان. قۇجاتتار امان. 5-قاباتتاعى كەيبىر كابينەتتەر دە ءىشىنارا ءب ۇلىندى. دەگەنمەن جۇمىس ىستەۋگە جاعداي بار. كۇننىڭ ەكىنشى جارتىسىندا قىزمەتكەرلەر جۇمىس ورىندارىنا ورالادى», دەدى اقتوبە وبلىسى اكىمدىگىنىڭ ىشكى ساياسات ءبولىمىنىڭ باسشىسى الىبەك باينەشوۆ.
توتەنشە جاعدايلار مينيسترلىگىنىڭ مالىمەتىنشە, ورتپەن كۇرەس كەزىندە قيىندىقتار كوپ بولعان – جالىننىڭ كەڭ اۋماققا تەز تارالۋى, قاتتى ءتۇتىن, جوعارى تەمپەراتۋرا جانە عيماراتتىڭ قۇرىلىمدىق ەرەكشەلىكتەرى جۇمىستى كۇردەلەندىرگەن.
ءورتتى سوندىرۋگە 80-نەن استام ادام مەن 30-عا جۋىق تەحنيكا جۇمىلدىرىلعان. قۇتقارۋشىلار وقيعا ورنىنا شاقىرتۋ تۇسكەننەن كەيىن 5 مينۋت ىشىندە جەتكەن. العاشقى ساتتە عيماراتتىڭ بىرنەشە جەرىندە بىردەن ءۇش اشىق وت وشاعى تىركەلگەن.
مينيسترلىك وكىلدەرى ءورتتىڭ تولىق سوندىرىلگەنىن 22:00-دەن كەيىن حابارلادى. وقيعا ورنىندا ەكى جەدەل جاردەم بريگاداسى كەزەكشىلىك ەتكەنمەن, زارداپ شەككەندەر مەن مەديتسينالىق كومەككە جۇگىنگەندەر بولماعان.
ءوڭىر باسشىسى اسحات شاحاروۆ تۇندە جەدەل شتاب وتىرىسىن وتكىزىپ, جاعدايدى باقىلاۋعا الدى.
اقتوبە وبلىسى اكىمدىگىندەگى ءورت: عيمارات ەلەكتر جەلىسىنەن تولىق اجىراتىلدى
قازىرگى ۋاقىتتا ماماندار ءورتتىڭ ناقتى سەبەبىن انىقتاۋ جۇمىستارىن جالعاستىرىپ جاتىر.