استانادا بەيبىتشىلىك جانە كەلىسىم سارايىنا جانە جانىندا ورنالاسقان پرەزيدەنتتىك ساياباققا قايتا جاڭارتۋ جۇمىستارى جۇرگىزىلەدى. بۇل تۋرالى ەلوردانىڭ رەسمي سايتى حابارلادى.
ء«بىز نىساندى جاڭا ەنەرگيامەن تولىقتىرۋدى جوسپارلاپ وتىرمىز. مۇندا ساۋلەتشى نورمان فوستەر ويلاپ تاپقان ستيلگە سايكەس كەلەتىن بارلىق بولمەلەردىڭ ادەمى, جايلى بولۋىن قالايمىز. كونتسەرتتىك جانە كورمە باعدارلامالارى, الەۋمەتتىك جوبالاردىڭ ۇيلەسىمدىلىگى ماڭىزدى», – دەپ كەلتىرگەن ءباسپاسوز قىزمەتى «قۇلانشى» زاماناۋي ونەر ورتالىعىنىڭ جەتەكشىسى لەيلا ماحاتتىڭ ءسوزىن. پيراميدادا سونداي-اق كوۆوركينگ ورتالىعىن قۇرۋ جوسپارلانۋدا. سونىمەن قاتار, قالا اكىمدىگى پرەزيدەنتتىك ساياباقتى جانە ىرگەلەس اۋماقتى قايتا جاڭارتۋدى جوسپارلاپ وتىر. ء«بىز جوبانى جۇزەگە اسىراتىن اۆتوردى انىقتادىق. وعان «ەنتسيكلوپەديا ساياباق», «ەجەلگى ونەر جانە تەحنولوگيالار مۇراجايى» سىندى تولىقتىرۋلار ەنگىزىلەدى. اۆتورلار كەستە دايىنداپ, قۇرىلىس ەكى كەزەڭگە ءبولىندى. ساياباق پەن وعان ىرگەلەس اۋماقتار جاڭارتىلادى», - دەدى قالالىق ساۋلەت, قالا قۇرىلىسى جانە جەر قاتىناستارى باسقارماسىنىڭ باسشىسى باقتىباي تايتاليەۆ. اقپاراتقا سايكەس, قالا اكىمى باقىت سۇلتانوۆ سارايدىڭ قىزمەتىمەن تانىسىپ, ونىڭ ىشكى وزگەرىستەرى بويىنشا ۇسىنىلعان تۇجىرىمدامانى قولداپ, «ەركىندىك ءۇشىن» جانە «Arteria»كورمەلەرىن زەردەلەدى. سونىمەن قاتار, قالا باسشىسى عيماراتقا تولىق تەحنيكالىق ساراپتاما جۇرگىزۋدى تاپسىردى.