وسىنىڭ الدىندا عانا ءبىز 6-10 اقپان ارالىعىندا ۆەلوجارىستان «ۆالەنسيا ۆۋەلتاسى» كوپكۇندىگى ءوتىپ, سول جارىستا «استانا» كلۋبىنىڭ ساپىندا كىمدەردىڭ ونەر كورسەتەتىنى جايىندا حابارلاعانبىز.
پيرەنەي تۇبەگىندەگى تارتىس اياقتالعاننان كەيىن قازاقستاندىق كلۋب وڭتۇستىك امەريكا قۇرلىعىنا اتتانادى. ول جاقتا 12-17 اقپان ارالىعىندا «كولۋمبيا تۋرى» وتەدى. ايتۋلى جارىستىڭ تۇساۋى بىلتىر كەسىلگەن بولاتىن. تۇڭعىش رەت ۇيىمداستىرىلعان باسەكەدە جەرگىلىكتى ۆەلوشاباندوزدار شاشالارىنا شاڭ جۇقتىرمادى. اتاپ ايتساق, ۇلىبريتانيانىڭ «Team Sky» كلۋبى ساپىنداعى 22 جاستاعى جاس جۇلدىز ەگان بەرنال باس جۇلدەنى ولجالاسا, نايرو كينتانو مەن ريگوبەرتو ۋران سىندى ساقا سپورتشىلار ەكىنشى جانە ءۇشىنشى ورىندى يەلەندى.
ەكىنشى مارتە جالاۋى جەلبىرەگەلى وتىرعان «كولۋمبيا تۋرىندا» «استانا» كومانداسى ساپىندا ميگەل انحەل لوپەس, رودريگو كونتەراس, ەرناندو بووركەس, يان حيرت, نيكيتا ستالنوۆ جانە داۆيدە ۆيلەللا ونەر كورسەتەدى.
عالىم سۇلەيمەن,
«Egemen Qazaqstan»