نۇرسۇلتان نازارباەۆ جاستارعا ەرەكشە كوڭىل بولەدى. ەلدىڭ جاڭا بۋىنىنا دەگەن قامقورلىعى قازاقستان رەسپۋبليكاسى حالقىنىڭ تورتتەن ءبىر بولىگىن قۇرايتىن ادامدارعا دەگەن تەرەڭ سەنىمگە نەگىزدەلگەن.
تاۋەلسىزدىكتىڭ العاشقى كۇندەرىنەن باستاپ ءبىزدىڭ ەلىمىز جاستاردى بارلىق سالالاردا, ەڭ الدىمەن ءبىلىم الۋ, كاسىپتى يگەرۋ, جۇمىس تابۋدا ءوزىن-ءوزى جۇزەگە اسىرۋ ءۇشىن كوپ مۇمكىندىكتەر جاساۋعا تىرىسۋدا. جاستارعا قولداۋ كورسەتۋ ءۇشىن مەملەكەتتىك باعدارلامالار جاسالدى جانە ولار تابىستى جۇمىس ىستەۋدە. ناتيجەسىندە ەلىمىزدەگى جاستار ساپالى ءبىلىم الىپ, جاڭا ماماندىقتار مەڭگەرىپ, ءوز ۇيلەرىنە يە بولىپ, جۇمىس ىستەي باستادى.
كوپ نارسە اتقارىلدى, الايدا پروگرەستىڭ شەكتەلمەۋى وتە ماڭىزدى. سول سەبەپتى جاستار جىلىنىڭ اشىلۋىندا مەملەكەت باسشىسى ۇكىمەتكە جاس قازاقستاندىقتاردىڭ وزەكتى قاجەتتىلىكتەرىن قاناعاتتاندىرۋعا ارنالعان قاراپايىم جانە تۇسىنىكتى قولداۋ امالدارىن تاپسىردى. بۇگىندە ولار بارىنە بەلگىلى قولجەتىمدى جانە ساپالى ءبىلىم بەرۋ, تۇرعىن ۇيگە قولجەتىمدىلىك, جۇمىس, وتباسىن قۇرۋ مۇمكىندىگى.
بۇلاردىڭ ىشىندە, مىسالى, استانا, الماتى جانە شىمكەنت قالالارىندا جۇمىس ىستەيتىن جاستار ءۇشىن جىلىنا كەمىندە ءبىر مىڭ پاتەر سالۋ ءىسى وتە ماڭىزدى. سونىمەن قاتار بۇل پاتەرلەر جالعا بەرىلەتىن تۇرعىن ۇيلەرگە جاتادى. بەلگىلى بولعانداي, بۇل ءۇش قالا بۇگىنگى كۇننىڭ وزىندە ىشكى كوشى-قون جانە بۇكىل قازاقستاننىڭ ايماقتارىنان جاستاردى تارتۋ ورتالىعى بولىپ تابىلادى. مۇندا جاستار ءبىلىم الۋعا, جۇمىسقا, جەكە باقىتقا ۇمتىلادى.
پرەزيدەنتتىڭ بىرقاتار ۇسىنىستارى جاستار فورۋمىندا ىستىق ىقىلاسپەن قابىلداندى.
اسارا مۇقانوۆا,
پرەزيدەنت جانىنداعى قسزي (KAZISS) اقپاراتتىق-تالداۋ جۇمىسى ءبولىمىنىڭ باسشىسى, الەۋمەتتانۋ عىلىمدارىنىڭ كانديداتى