بۇگىن ۇكىمەت ۇيىندە قازاقستان رەسپۋبليكاسىنىڭ پرەمەر-ءمينيسترى باقىتجان ساعىنتاەۆ پالاتا پرەزيدەنتى, «كاتكو» جشس باس ديرەكتورى جەرار فريەس باستاعان «فرانتسيا–قازاقستان» ساۋدا-ونەركاسىپتىك پالاتاسىنىڭ وكىلدەرىمەن كەزدەسۋ وتكىزدى.
كەزدەسۋ بارىسىندا ينۆەستيتسيالار, اۋىل شارۋاشىلىعى, ەنەرگەتيكا جانە تسيفرلاندىرۋ سالالارىنداعى ەكىجاقتى ىنتىماقتاستىق ماسەلەلەرى تالقىلاندى. بۇدان وزگە, قازاقستان–فرانتسيا قارىم-قاتىناسىن ودان ءارى كەڭەيتۋگە قاتىستى بىرلەسكەن جۇمىستاردىڭ جوسپارى قارالدى.
قازاقستان مەن فرانتسيا اراسىنداعى تاۋار اينالىمى 2018 جىلعى قاڭتار–قاراشا ارالىعىندا $4 ملرد قۇرادى, بۇل وتكەن جىلدىڭ سايكەس كەزەڭىندەگى كورسەتكىشتەن ($3,1 ملرد) 27,3%-عا جوعارى. قازاقستاننان فرانتسياعا ەكسپورت 2018 جىلعى قاڭتار–قاراشا ايلارىندا 27,7% ءوسىپ, $3,4 ملرد قۇرادى.