بارلىق وڭىردە قوعامدىق كىتاپحانالار نەگىزىندە جاڭادان اشىلعان زاماناۋي ءبىلىم ورتالىقتارىنىڭ ەسىگى جاستارعا بىردەي اشىق بولدى. كۇنى بويى كەلۋشىلەرگە ارناپ ءتۇرلى شارالار ۇيىمداستىرىلىپ, ءبىلىم ورتالىقتارىنىڭ بارلىق مۇمكىندىگى تانىستىرىلدى.
وتكەن جىلى «نۇر وتان» پارتياسى مەن «جاس وتان» جاستار قاناتى «Bilim Ortalygy» جوباسى بارىسىندا وڭىرلىك كىتاپحانالاردى جاڭعىرتۋ ماقساتىندا جاڭا فورماتتاعى جاستار ءبىلىم ورتالىقتارىن قۇرۋعا كىرىستى. ناتيجەسىندە ايماقتىق كىتاپحانالاردىڭ قىزمەتكەرلەرى ءۇشىن استانادا ارنايى ترەنينگ ۇيىمداستىرىلىپ, جاستارعا ارنالعان زاماناۋي ءبىلىم ورتالىقتارى اشىلعان ەدى. ءار ايماقتان بارلىعى 34 قىزمەتكەر كىتاپحانا جۇمىسىن جاڭا تەحنولوگيالاردى قولدانۋ ارقىلى بۇگىنگى كۇننىڭ تالابىنا ساي بەيىمدەۋ تاقىرىبىندا بىلىكتىلىكتەرىن ارتتىردى.
جاستار جىلىنداعى العاشقى شارالاردىڭ ءبىرى ايماقتاعى بەلسەندىلەر ءۇشىن كىتاپحانالاردان باستالدى. كۇنى بويى ءار كەلۋشىنىڭ قىزىعۋشىلىعىنا ساي كەلەتىن الۋان ءتۇرلى شارانى ۇيىمداستىرۋعا تىرىسقان جاسوتاندىقتار بۇدان كەيىن دە ايماق جاستارىن جاڭا ءبىلىم ورتالىقتارىنا كەلۋگە شاقىردى.
وسى كۇنى ورتالىقتاردىڭ ءبىرى ل.ن. تولستوي اتىنداعى قوستاناي وبلىستىق امبەباپ عىلىمي كىتاپحاناسىندا اشىلدى. ال قاراعاندىلىق جاستار Bookdating بارىسىندا وزدەرىنە ۇناعان ءبىر تۋىندىنى تانىستىرىپ, الىپ كەلگەن كىتاپتارىن قاتىسۋشىلار اراسىندا وقىماعان كىتاپپەن ايىرباستاپ الدى. جاستار وسى توپپەن الداعى ۋاقىتتا دا وقىعان كىتاپتارىن تالقىلاپ, ءوزارا الماستىرىپ تۇرۋعا كەلىستى.
شىعىس قازاقستان جاستارى وبلىستىق كىتاپحانادا عۇلاما ويشىل ءال-فارابيدىڭ ەڭبەكتەرىنە ارنالعان بۇرىش اشتى. سونداي-اق اقمولا وبلىسىنداعى ءبىلىم ورتالىعىنا كەلگەندەر ءوڭىردىڭ تابىستى كاسىپكەرلەرىمەن كەزدەسىپ, ءوز ءىسىن باستاۋعا قاتىستى سۇراقتارىنا پايدالى كەڭەستەر السا, اتىراۋلىق جاس كوشباسشىلار شەشەندىك ونەردى دامىتۋ بويىنشا ترەنينگتەن ءوتتى. ال ورال قالاسىنىڭ جاستارى ءۇشىن فەستيۆال «بىلگىرلەر بايگەسى» زياتكەرلىك ويىنىمەن باستالىپ, بەلسەندىلەرگە ۋاقىتتى ءتيىمدى پايدالاۋ مەن كوشباسشىلىق قاسيەتتەرىن دامىتۋعا ارنالعان ترەنينگپەن جالعاستى.
بارلىق وڭىرلەردە پىكىر الماسۋ الاڭدارىندا جاستار مەن ماماندار قازىرگى قازاقستاندىق ءبىلىم بەرۋدەگى پەداگوگ مارتەبەسىنە قاتىستى پىكىرلەرىن ورتاعا سالدى. شاراعا كەلگەن مەكتەپ پەن جوعارى وقۋ ورىندارىنىڭ قىزمەتكەرلەرى دە پىكىرتالاسقا بەلسەنە قاتىستى. سونىمەن قاتار اقىن-جازۋشىلاردىڭ ءومىرى مەن شىعارماشىلىعىنا ارنالعان كەشتەرگە جاستار كوپ جينالدى. شارا شەت ءتىلىن مەڭگەرۋشىلەرگە ارنالعان اعىلشىن تىلىندەگى جانە «بولاشاق قاۋىمداستىعى» اۋدارعان قازاق تىلىندەگى فيلمدەرىنىڭ كورسەتىلىمىمەن اياقتالدى.
ء «بىلىم فەستيۆالىنىڭ باستى ماقساتى جاستارعا ايماقتاردا جاڭادان اشىلعان ءبىلىم ورتالىقتارىنىڭ بارلىق مۇمكىندىكتەرىن كورسەتۋمەن قاتار, ولاردى كىتاپحانالاردا بوس ۋاقىتىن كوپتەپ وتكىزۋگە شاقىرۋ بولدى» - دەيدى ۇيىمداستىرۋشىلار.