قاراعاندى وبلىسى اكىمىنىڭ ورىنباسارى قىزمەتىنە بۇعان دەيىن قازاقستان رەسپۋبليكاسىنىڭ ء بىلىم جانە عىلىم ۆيتسە-ءمينيسترى بولعان اسحات ايماعامبەتوۆ تاعايىندالدى.
جاڭا ورىنباسار بۇل قىزمەتتە الەۋمەتتىك سالا جانە ىشكى ساياسات ماسەلەلەرى بويىنشا جەتەكشىلىك ەتەتىن بولادى.
اسحات ايماعامبەتوۆ 1982 جىلى قاراعاندى وبلىسىندا دۇنيەگە كەلگەن. «تاريحشى, تاريح ءپانىنىڭ ۇستازى» جانە «قۇقىقتانۋ» ماماندىقتارى بويىنشا ەكى جوعارى ءبىلىمى بار. ەڭبەك جولىن 2002 جىلى ە.ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىندە باستاعان. «اڭسار» جاستار ليگاسىن باسقاردى. ەكى مارتە قاراعاندى قالالىق ءماسليحاتىندا ءوزىن-ءوزى ۇسىنۋشى رەتىندە دەپۋتات بولىپ سايلانعان.
2012 جىلدان باستاپ مەملەكەتتىك قىزمەتتە. قاراعاندى وبلىسىنداعى نۇرا اۋدانى اكىمىنىڭ ورىنباسارى, قاراعاندى وبلىستىق ءبىلىم باسقارماسىنىڭ جەتەكشىسى قىزمەتتەرىن اتقارعان. 2017 جىلدىڭ تامىزىنان باستاپ وسى كۇنگە دەيىن ءبىلىم جانە عىلىم ۆيتسە-ءمينيسترى لاۋازىمىندا بولىپ, مەكتەپكە دەيىنگى جانە ورتا ءبىلىم, سونداي-اق جوعارى ءبىلىم مەن عىلىم ماسەلەلەرى بويىنشا جەتەكشىلىك ەتتى.
قايرات ءابىلدا,
«ەگەمەن قازاقستان»
قاراعاندى