امەريكالىق جۋرناليست دجەفف اراناۋ Boxingnews24.com سايتىنا جازعان ماقالاسىندا ورتا سالماقتاعى الەمنىڭ ەكس-چەمپيونى گەننادي گولوۆكينگە (38-1-1, 34 كو) لايىقتى ەكى بوكسشىنىڭ ەسىمىن اتادى.
«ەگەر گولوۆكين DAZN تەلەارناسىمەن كەلىسىمشارت جاساسپاسا, وندا «كانەلومەن» وتەتىن ءۇشىنشى جەكپە-جەكتى ۇيىمداستىرۋ ماسەلەسى قيىنداي تۇسەدى. ويتكەنى مەكسيكالىق بوكسشى بۇل تەلەارنامەن 365 مىڭ دوللارعا 11 جەكپە-جەك ۇيىمداستىرۋ بويىنشا بەس جىلعا كەلىسىمشارت جاساسقان. دەگەنمەن گولوۆكيندە باسقا نۇسقالار بار. ول Premier Boxing Champions كومپانياسىمەن كەلىسىمگە كەلسە, ونىڭ كەزدەسۋلەرى Showtime PPV-دە كورسەتىلەدى. ول دجەرمالل چارلو نەمەسە كاللۋم سميت سياقتى تانىمال بوكسشىلارمەن كەزدەسسە, جاقسى اقشا تابا الادى», - دەيدى دجەفف اراناۋ.
بريتانيالىق كاللۋم سميت (25-0, 18 كو) - قازىرگى ۋاقىتتا ەكىنشى ورتا سالماقتىڭ WBA (Super) نۇسقاسى بويىنشا الەم چەمپيونى جانە بۇكىلالەمدىك بوكس سۋپەر سەرياسىنىڭ جەڭىمپازى. ال چارلو (28-0, 21 كو) ورتا سالماقتاعى WBC بەلدىگىنىڭ «ۋاقىتشا» چەمپيونى.
ايتا كەتەيىك, HBO تەلەارناسى 2019 جىلدان باستاپ كاسىپقوي بوكس كەشىن كورسەتۋدى توقتاتقان سوڭ گولوۆكين تەلەارنا بويىنشا ەركىن اگەنت سانالادى. دەگەنمەن, وعان ءۇش بىردەي تەلەارنا ۇسىنىسپەن شىققان. ولار: DAZN, ESPN جانە Premier Boxing Champions پروموۋتەرلىك كومپاياسىنىڭ Fox/Showtime تەلارنالارى.