قۇرلىقتىق حوككەي ليگاسىندا (قحل) سىنعا ءتۇسىپ جۇرگەن استانانىڭ «بارىسى» كەزەكتى تۋر ويىنىن «سوچي» كومانداسىنا قارسى وتكىزىپ, بۋلليت سەرياسىندا 3:2 ەسەبىمەن جەڭىسكە جەتتى.
«بارىس ارەنا» مۇز ايدىنىندا وتكەن كەزدەسۋدە ەسەپتى ءبىرىنشى بولىپ قوناق كوماندا اشتى. ويىننىڭ جەتىنشى مينۋتىندا «سوچي» ويىنشىسى دەنيس موسالەۆ مەرگەندىگىمەن كوزگە ءتۇسىپ, كومانداسىن العا شىعاردى. «بارىس» حوككەيشىلەرى تەك ويىننىڭ ەكىنشى كەزەڭىندە عانا ەسەپتى تەڭەستىرۋگە مۇمكىندىك الدى. شايبا اۆتورى – كەۆين داللمەن. ءۇشىنشى كەزەڭدە كوماندالار ءبىر-بىردەن شايبا سوقتى. «بارىس» ساپىنان اندرە پەتەرسسون كوزگە تۇسسە, «سوچي» ساپىنان روسەن روبەرت ەسەپتى تەڭەستىرىپ كەتتى.
بۋلليت سەرياسىندا «بارىس» ويىنشىلارى ساۋاتتى تاكتيكا قولدانىپ, ءار ويىنشى وزىنە جۇكتەلگەن مىندەتتى اسقان جاۋاپكەرشىلىكپەن اتقارعانىنىڭ ارقاسىندا 65-مينۋتتا گول سوعىپ, ء«سوچيدى» ءسۇرىندىردى. گول سوققان – داررەن ديتس. وسى جەڭىسىنەن كەيىن ەلوردا كومانداسى قحل-دىڭ جارىس كەستەسىندە 5-ورىنعا جايعاستى.