«باتىس» وڭىرلىك قولباسشىلىعىنىڭ اسكەري قىزمەتشىلەرى اسكەرلەردى وقىتۋدىڭ كەزەكتى كەزەڭى – بولىمشەلەردى, ەسەپتوپتاردى جانە ەكيپاجداردى دايىنداۋدى باستادى.
اسكەري قىزمەتشىلەر اسكەرلەردى ءبىرىزدى وقىتۋعا سايكەس ماماندىق بويىنشا دايارلىقتان كەيىن بولىمشەلەردى دايىنداۋ وتكىزىلەدى. بولىمشەلەردى (ەسەپتوپتاردى) دايارلاۋ بويىنشا ساباقتار بولىمشەلەر كومانديرلەرىنىڭ جەتەكشىلىگىمەن وتكىزىلىپ, ءبىر ايعا سوزىلادى.
بۇل كەزەڭدە اسكەري قىزمەتشىلەر ماماندىق بويىنشا جەكە دايىندىق بارىسىندا ءارتۇرلى ۇرىس پەن جاۋىنگەرلىككە قاقتىعىس جاعدايلاردا بولىمشە قۇرامىندا العان كاسىبي ماشىقتىقتارىن جەتىلدىرەدى. وقىتۋ ءۇردىسى بارىسىندا اسكەري قىزمەتشىلەردىڭ بولىمشەلەر قۇرامىندا ارەكەت ەتۋگە دايىندىعى مەن ۇرىستا شتاتتىق قارۋ-جاراق پەن اسكەري تەحنيكانى شەبەر ءارى ءتيىمدى قولدانۋدا, جەكە قۇرامنىڭ دالالىق داعدىسىن جەتىلدىرۋگە باستى نازار قويىلادى. سونىمەن قوسا, وسى ارالىقتا اسكەريلەردىڭ بولىمشە قۇرامىنداعى ءىس-ارەكەتتەرىن بارىنشا جاتتاپ-ۇيرەنىپ الۋعا باعىتتالادى. بۇر رەتتەگى جاۋىنگەرلەر «بولىمشەنىڭ شابۋىلى مەن قوراعانىسى», «بولىمشەنىڭ مارشى مەن جورىقتىق كۇزەتى» جانە «بولىمشەنىڭ بارلاۋى» ساباقتارىن قاراستىرادى.
بولىمشەلەردى دايىنداۋدىڭ شەشۋشى كەزەڭىندە جاۋىنگەرلىك وق اتىستارى وتكىزىلەدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى