2018 جىلعى ەسەپ بويىنشا قىتايدىڭ سىرتقى تاۋار اينالىمى رەكوردتىق كورسەتكىش كورسەتىپ, 4,62 تريلليون دوللاردى قۇرادى. بۇل ناتيجە 2017 جىلمەن سالىستىرعاندا 12,6%-عا جوعارى دەپ مالىمدەدى قحر باس كەدەن باسقارماسىنىڭ رەسمي وكىلى لي كۋيۆەن.
«بيىل ەلىمىزدىڭ ەكسپورتى مەن يمپورتى رەكوردتىق كورسەتكىشكە جەتتى, دەمەك الداعى ۋاقىتتا دا الەمدىك دەڭگەيدە ءىرى ساۋدا دەرجاۆاسى بولىپ قالامىز دەپ ۇمىتتەنۋگە سەبەپ بار. 2018 جىلى دوللار ەسەبىمەن قىتايدىڭ جالپى سىرتقى تاۋار اينالىمى 4,62 تريلليون دوللاردى قۇرادى, بۇل وتكەن جىلعى كورسەتكىشتەن 12,6% - عا كوپ» دەدى لي كۋيۆەن.
وعان قوسا قىتاي ەكسپورتى 2018 جىلى 9,9% - عا ءوسىپ, 2,14 تريلليون دوللاردى قۇراسا, يمپورت-15,8% - عا ءوسىپ, 2,14 تريلليونعا جەتتى.
وتكەن جىلدىڭ قورىتىندىسى بويىنشا ساۋدا تەڭگەرىمىنىڭ وڭ سالدوسى 546,8 ميلليارد دوللاردى قۇرادى.