2017 جىلى ەسەپتە 860 ادام بولعان بولسا, بۇگىندە ولاردىڭ قاتارى 127 ازاماتقا كەمىگەن.
ناشاقورلىق - جەگى قۇرت. ولاردىڭ قاتارىندا جاستاردىڭ كوبەيىپ جاتقاندىعى جاسىرىن ەمەس. ماسەلەن, 733 ادامنىڭ جەتپىس ءتورتى وتىز جاسقا دەيىنگى جاستى قۇراعان. ال, ولاردىڭ قاتارىندا ۇلكەن ومىرگە ەندى قادام جاساعان جاسوسپىرىمدەردىڭ بولعاندىعى قوعامدى الاڭداتادى.
- 2017 جىلى ناركولوگيالىق ورتالىقتىڭ ەسەبىندە 860 ادام ەسەپتە تۇرعان ەدى. ول بىلتىر 733 ادام بولدى. الدىڭعى جىلمەن سالىستىرعاندا ەسەپتە تۇراتىندار 127 ادامعا كەمىدى. دەگەنمەن, 196 ادام ءبىزدىڭ ورتالىققا العاش رەت تىركەلىپ وتىر. ۇزاق ەمدەلىپ ءبىزدىڭ ەسەپتەن شىعارىلاتىن ازاماتتار دا بار, - دەدى قىزىلوردا وبلىستىق ناركولوگيا ورتالىعى باس دارىگەرىنىڭ مىندەتىن اتقارۋشى گۇلايىم سەيىلحانوۆا.
وسى جەردە ەمدەلىپ جاتقان ەرەسەك ازاماتتار وزدەرىنىڭ ءبىر كەزدەرى جىبەرگەن ۇلكەن قاتەلىگىن بۇگىنگى جاستار قايتالاماسا ەكەن دەگەن نيەتىن اڭعارتىپ جاتادى. تۇلا بويىن قۇرتتاي كەمىرەتىن كەسەلمەن ءومىر تولقىنىنداعى كەدەرگىلەرگە بايلانىستى بارعاندارىن وكىنىشپەن ەسكە العان ولار وسى دەرتتەن قۇلانتازا ايىعىپ كەتۋلەرىن تىلەيدى.
باقتيار تايجان,
«ەگەمەن قازاقستان»
قىزىلوردا وبلىسى