بوكستان قازاقستان ۇلتتىق قۇراماسىنىڭ كاپيتانى بولىپ قىزىلوردالىق قامشىبەك قوڭقاباەۆ سايلاندى.
بۇل AIBA اكادەمياسىنىڭ بازاسىندا ءوتىپ جاتقان بيىلعى جىلدىڭ العاشقى وقۋ-جاتتىعۋ جيىنىندا انىقتالدى.
بۇعان دەيىن ۇلتتىق قۇراما كاپيتانى مىندەتىن اتقارعان ادىلبەك نيازىمبەتوۆ سپورتپەن قوشتاسقاننان كەيىن باپكەرلەر القاسى مەن ۇلتتىق قۇراما وسىنداي شەشىم قابىلدادى.
- كوماندا كاپيتانى دەگەن ات ۇلكەن جاۋاپكەرشىلىكتى جۇكتەيدى. سپورتشىلارعا ۇلگى بولىپ, جول كورسەتۋ مىندەتىم دەپ ەسەپتەيمىن. جاڭا جىلدان باستاپ كومانداعا جاس بوكسشىلار قوسىلدى. قۇراما ءبىرشاما جاڭارىپ قالدى. باس باپكەرىمىز دە اۋىستى. سوندىقتان, ۇلتتىق قۇرامانىڭ الدىندا ۇلكەن مىندەتتەر بار. سول ۇدەدەن شىعۋعا تىرىسامىز, - دەدى قۇرامانىڭ جاڭا كايتانى.
قامشىبەك قوڭقاباەۆ - بوكستان ەڭبەك سىڭىرگەن سپورت شەبەرى, 2017 جىلعى ازيا جانە الەم چەمپيوناتتارىنىڭ كۇمىس جۇلدەگەرى. 2018 جىلعى قازاقستان چەمپيونى.
باقتيار تايجان,
«ەگەمەن قازاقستان»
قىزىلوردا وبلىسى