قىس قىرىنا العان سايىن سىرداريا ارناسىنداعى كوتەرىلگەن سۋ مولشەرى ەلدىڭ دەگبىرىن الىپ وتىر.
قالا ىرگەسىندەگى تاسبوگەت گيدروبەكەتىندەگى سۋ مولشەرى 704 سم, ال ول 740 سم-گە جەتكەندە قاۋىپتى دەڭگەي بولىپ سانالادى. وسىعان بايلانىستى «قازگيدرومەت» ستانتسياسى ون سۋ بەكەتىنەن سىنامالار الىپ, جاعدايدى تۇراقتى باقىلاپ وتىر.
ينجەنەرگيدرولوگ راۋشان بيسەتاەۆا سۋ كوتەرىلىپ ياكي مۇز بۋعان جاعدايدا توپان سۋدىڭ جايىلىمدىق جەرلەرگە شىعۋ قاۋپىن كۇشەيەتىندىگىن ايتادى. وسىعا بايلانىستى قاجەتىنشە شارالار اتقارىلىپ جاتىر ەكەن.
بۇگىندە قىرعىز الاتاۋىنان كەلەتىن سۋدى قابىلداپ جاتقان شاردارا سۋ قويماسى بەرگى بەتكە سەكۋندىنا 900 تەكشە مەتر سۋ اعىزىپ جاتىر. مۇنىڭ 400 تەكشە مەترىن «كوكساراي» سۋ رەتتەگىشى قابىلداپ الىپ قالىپ جاتسا, 500 تەكشە مەتردەن استامى سىر ارناسىمەن ارالعا دەيىن اعىپ كەلەدى.
اياز بۋعان ساتتەردە قىزىلوردا مەن ارال ارالىعىنداعى مۇز قاتىپ, تۇتاسىپ قالادى.
توتەنشە جاعداي ورىن الماس ءۇشىن ون ءبىر مەكەمەنىڭ ءۇش جۇزگە جۋىق قىزمەتكەرلەرى ارناۋلى تەحنيكالاردىڭ كومەگىمەن داريا جاعالاپ, كەزەكشىلىكتە ءجۇر.
باقتيار تايجان,
«ەگەمەن قازاقستان»
قىزىلوردا وبلىسى