وڭىرىمىزدە ۇكىمەتتىك ەمەس ۇيىمداردىڭ جۇمىسىن قولداۋعا كوڭىل بولىنۋدە. ۇكىمەتتىك ەمەس ۇيىمدار ارقايسىسى ءتۇرلى باعىتتا سپورت, جاستار ءىسى, ەكولوگيا جانە باسقا دا سالادا جۇمىس ىستەۋدە.
وبلىس ورتالىعىندا وتكەن جىلى «ازاماتتىق اليانس ءۇيى» اشىلدى. بۇل جەرگىلىكتى ۇكىمەتتىك ەمەس ۇيىمدار ءبىر-بىرىمەن تىعىز بايلانىستا قىزمەت جاساۋلارىنا مۇمكىندىك بەرەدى.
مىسالى, «مەيىرىمدىلەر» كلۋبى بيىل ەلىمىزدىڭ «ۇزدىك الەۋمەتتىك جوبالار» كونكۋرسىنىڭ وڭىرلىك كەزەڭى بويىنشا ء «اربىر ۇيگە مەيىرىم اكەلەيىك» جوباسىن ۇسىنعان «كلۋب دوبرياكوۆ» مەيىرىمدىلەر ۇيىمى جەڭىمپاز اتاندى.
بايقاۋعا قاتىسقان «شاتىر استى باۋ-باقشا-قىسى-جازى دارۋمەن» جوباسىمەن ء«ومىر» وڭالتۋ ورتالىعى 2 ورىن, ال, 3-ورىن «الرامي كلۋبتىق ۇيىنە» بەرىلدى.
سونداي-اق, وڭىردەگى «بالالار مەن جاستار اراسىندا سالاۋاتتى ءومىر سالتى, مادەنيەت پەن بۇقارالىق سپورتتى ناسيحاتتاۋ بويىنشا ۇزدىك ۇيىم» نوميناتسياسىندا «جولدار» جاستار قوعامدىق بىرلەستىگى جانە «5 جىلدان استام ۋاقىت بويى جۇمىس ىستەيتىن جوبالىق مەنەدجەر» نوميناتسياسىندا «دەسەنتا» قوعامدىق بىرلەستىكتەرى بيىلعى جىلدىڭ ۇزدىك ۇكىمەتتىك ەمەس ۇيىمدارى اتالدى.
ءوڭىر تۇرعىندارىنا بەلگىلى «دەسەنتا», ء«ۇمىت ۇزبەۋ» , «قىزىل جارتى اي قوعامى», «ۇيگە باسپالداق», «قامقور» كومەك جانە وڭالتۋ ورتالىعى» , «سامال» سەكىلدى قوعامدىق بىرلەستىك وكىلدەرى ءار ىستە بەلسەندى.
ال, وبلىستىق اكىمدىك جۇمىس جاسامايتىن ۇيىمداردى جابۋ قاجەتتىگىن ايتۋدا.
ەلىمىزدىڭ قوعامدىق دامۋ مينيسترلىگىنىڭ تاپسىرماسىنا سايكەس جۇمىس ىستەمەيتىن ۇكىمەتتىك ەمەس ۇيىمدار ماسەلەسى بويىنشا قىزمەتتى دۇرىس ۇيىمداستىرماعان اۋداندار مەن قالالار بەلگىلى بولدى.
وبلىستىق ىشكى ساياسات باسقارماسىنىڭ مالىمەتىنشە, وتكەن جىلى وڭىردە تىركەلگەن 698 ۇەۇ-نىڭ 155-ءسى جۇمىس ىستەمەگەن. قىزمەتىن اتقارمايتىن ۇيىمداردىڭ 150-ءى وبلىس ورتالىعىندا بولسا, قالعان 5-ءى اۋدانداردا.
ياعني, جۇمىس ىستەمەيتىن ۇكىمەتتىك ەمەس ۇيىمداردى جويۋ ءۇشىن ۇەۇ-نىڭ ەرىكتى تۇردە قىزمەتىن توقتاتۋى كەرەك, نەمەسە, مەملەكەتتىك كىرىس ورگاندارىنىڭ سوتقا شاعىمدانۋى.
مىسالى, وتكەن جىلى وبلىس بويىنشا سونداي ۇەۇ-دىڭ 13-ءى جابىلىپتى. ولاردىڭ 9- ەكىباستۇزدا, قالعاندارى وڭىردەگى 4 اۋداندا قىزمەتىن توقتاتتى.
فاريدا بىقاي,
«ەگەمەن قازاقستان»
پاۆلودار