اۋداندىق اكىمدىكتىڭ مالىمەتىنشە, قازىرگى كەزدە اۋدان حالقىنىڭ سانى 12440. تۇرعىنداردىڭ 3095-ءى اۋدان ورتالىعىندا تۇرادى.
اۋداندا «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ» باعدارلاماسى بويىنشا 41 قاتىسۋشىعا شاعىن نەسيە بەرىلدى.
ال, وتكەن جىلى اۋدان اۋماعىنا وڭتۇستىك وڭىرلەردەن 35 وتباسى جانە 2 ورالمان وتباسى كوشىپ كەلگەن. قونىس اۋدارۋشىلاردىڭ 49-ى جۇمىسپەن قامتىلىپ, 20 ادام كاسىپكەرلىكتىڭ نەگىزدەرى بويىنشا ءبىلىم السا, 3 ادامعا شاعىن نەسيە بەرىلىپتى. مەكتەپتەر 80 وقۋشىمەن تولىقتى.
بۇل كۇندەرى قونىس اۋدارۋشىلارعا مەملەكەتتەن بولىنەتىن جەڭىلدىكتەرمەن بىرگە, وبلىس اكىمىنىڭ تاپسىرماسىمەن وڭتۇستىك وڭىرلەردەن كوشىپ كەلگەندەر مەن ورالمانداردى قىسقى ۋاقىتتا كومىرمەن قامتاماسىز ەتۋ جۇمىستارى قولعا الىندى.
اۋدان ورتالىعىندا ەلىمىزدەگى «ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسىنىڭ» ءىى-باعىتى بويىنشا «بيزنەس-باستاۋ» جوباسىمەن 53 ادام ارنايى كۋرستاردان ءوتىپتى.
بۇل كۇندەرى نەسيە العان كاسىپكەرلەر ساۋدامەن دانە ءارتۇرلى كاسىپپەن شۇعىلدانادى.
اۋداندا 23 مەكتەپ, 10 ارالاس, 13 قازاق مەكتەبى بار. اۋىلدارداعى تۇرعىندار سانى دا, مەكتەپتەردە بالا سانى دا جىل سايىن ازايۋدا. وسى 23 مەكتەپتە وقيتىن سانى بار-جوعى 1746 وقۋشى عانا.
سونىمەن بىرگە, 2018 جىلى «ديپلوممەن-اۋىلعا!» باعدارلاماسى بويىنشا اۋدانعا 30 جاس مامان كەلىپ, 27-سىنە 70 اەك كولەمىندە كوتەرمەاقى تولەنىپ, 20 ماماننىڭ باسپانا ساتىپ الۋىنا 51,6 ميلليون تەڭگەلىك بيۋدجەتتىك نەسيە بەرىلگەن.
فاريدا بىقاي,
«ەگەمەن قازاقستان»
پاۆلودار