«حابار 24» پەن «Kazak tv» ارنالارى رەسەيدە حابار تاراتۋ ليتسەنزياسىنا قول جەتكىزدى. بۇل تۋرالى داۋرەن اباەۆ Facebook جەلىسىندەگى پاراقشاسىندا حابارلادى.
«دۇنيەجۇزى قازاقتارىنىڭ V قۇرىلتايى اياسىندا, ءبىزدىڭ مينيسترلىككە ناقتى تاپسىرما بەرگەن ەلباسى: «شەتتەگى قانداستاردىڭ قازاقستاننان جان-جاقتى حابار الىپ تۇرۋىنا كومەكتەسۋ كەرەك», - دەگەن بولاتىن. ياعني شەت ەلدەگى اعايىندى وتاندىق اقپاراتپەن قامتاماسىز ەتۋ مىندەتى العا قويىلدى. جاقىندا عانا «حابار 24» پەن «Kazak tv» ارنالارى رەسەيدە حابار تاراتۋ ليتسەنزياسىنا قول جەتكىزدى. كورشى ەلدىڭ تەلە نارىعىنا رەسمي تىركەلۋ ءۇشىن قاجەتتى تەحنيكالىق جانە قۇجاتتىق تالاپتاردىڭ قىرۋار شارۋاسى اتقارىلدى. بىرنەشە ايعا سوزىلعان, كوپتەگەن كەلىسسوزدەردىڭ ناتەجيەسىندە ءبىز رەسەي فەدەراتسياسىنىڭ كابەلدىك وپەراتورىمەن ءبىر مامىلەگە كەلدىك. «حابار» اگەنتتىگىنىڭ ۇجىمىنا, وسىنداي اۋقىمدى ءىستى جۇزەگە اسىرعاندارى ءۇشىن العىس ايتقىم كەلەدى», دەدى د.اباەۆ.
ۆەدومستۆو باسشىسىنىڭ ايتۋىنشا, شەكارالاس ايماقتاردى مەكەندەيتىن قانداستارىمىز بىراز ۋاقىتتان بەرى مينيسترلىككە حات جولداپ, ەل جاڭالىقتارىن كورگىلەرى كەلەتىنىن جەتكىزىپ ەدى. جۇرگىزىلگەن جۇمىستاردىڭ ناتيجەسىندە الىستاعى اعايىننىڭ ءوتىنىشى دە ورىندالىپ وتىر.
تاعى ءبىر ايتا كەتەرلىگى, «حابار» اگەنتتىگى تۇسىرگەن «انا جۇرەگى» اتتى تەلەحيكايا وزبەكستاننىڭ بەلگىلى ارنالارىنىڭ بىرىندە كورسەتىلىپ جاتىر. وزبەك تەلەكومپانياسىنىڭ وكىلدەرى سەريالدىڭ جەرگىلىكتى كورەرمەن تاراپىنان جوعارى سۇرانىسقا يە بولعانىن جەتكىزگەن.