تسەx تاۋلىگىنە 100 توننا قوقىس وڭدەيدى, دەپ حابارلايدى اتىراۋ قالاسى اكىمدىگىنىڭ ءباسپاسوز قىزمەتى.
2019 جىلدىڭ 1 قاڭتارىنان باستاپ قازاقستان رەسپۋبليكاسىنىڭ ەنەرگەتيكا مينيسترلىگى پلاستماسسانى, قوقىس پەن قوقىس قالدىقتارىنىڭ بارلىق تۇرلەرىن كومۋگە تىيىم سالعان.
وسىعان بايلانىستى, اتىراۋ قوقىس پوليگونىندا قاتتى تۇرمىستىق قالدىقتاردى سۇرىپتاۋعا ارنالعان تسەxتى ورناتۋ جوسپارلانىپ وتىر.
«ارناۋلىاۆتوبازا» جشس باسشىلىعىنىڭ ايتۋىنشا, قازىرگى ۋاقىتتا ينۆەستورعا قاجەتتى جابدىقتى ساتىپ الۋعا قاراجات ءبولىندى. تسەx اعىمداعى جىلدىڭ ەكىنشى توقسانىندا ىسكە قوسىلادى.
- جاڭا تسەح تاۋلىگىنە 100 توننا قوقىس شىعارۋدى جوسپارلاپ وتىر. جاڭا جوبانىڭ ارقاسىندا شامامەن 70 ادام جۇمىسقا ورنالاسادى», - دەدى «ارناۋلىاۆتوبازا» جشس ديرەكتورى الماس ىزتىلەۋوۆ.
قازىرگى ۋاقىتتا قالادا پلاستيكالىق قالدىقتاردى جيناۋعا ارنالعان 300 كونتەينەر ورناتىلعان. جىل ىشىندە ولاردى 500-گە دەيىن ارتتىرۋ جوسپارلانۋدا.
- بۇدان باسقا, اعىمداعى جىلدىڭ ناۋرىز ايىندا ازاماتتارعا ىڭعايلى بولۋ ءۇشىن پلاستيك, قاعاز جانە شىنى قابىلداۋ ءۇشىن 10 نۇكتە اشامىز. قوقىس جيناۋعا ارنالعان كونتەينەرلەرگە قوسپ بارلىق جەرلەردە دە شىنى تاستايتىن كونتەينەرلەر ورناتىلادى. وسىلايشا, اتىراۋ تۇرعىندارى بىرتىندەپ قوقىستى بولەك جيناۋعا كوشەدى», - دەدى الماس ىزتىلەۋوۆ.
قالالىق قوقىس پوليگونىنا تاۋلىگىنە 300 تونناعا دەيىن قوقىس شىعارىلادى. جينالعان پلاستيكتىڭ ءبىر بولىگى رەسەيگە قايتا وڭدەۋ ءۇشىن جىبەرىلەدى, ءبىر بولىگى قۇرىلىس ماتەريالدارى وندىرىسىندە قولدانىلادى.