گەرمانيانىڭ وبەرحوف قالاسىندا بياتلوننان الەم كۋبوگىنىڭ ءتورتىنشى كەزەڭى باستالدى. وكىنىشكە قاراي, ايەلدەر اراسىنداعى سپرينتتىك باسەكە ءبىزدىڭ كوماندا ءۇشىن ءساتسىز اياقتالدى دەپ حابارلايدى Olympic.kz.
ايەلدەر اراسىنداعى سپرينت باسەكەسىنە ەليزاۆەتا بەلچەنكو, اناستاستيا كوندراتەۆا جانە ليۋدميلا احاتوۆا قاتىسقان بولاتىن. ۇلتتىق قۇراما سپورتشىلارىنىڭ بىردە-ءبىرى ءىز كەسۋ جارىسىنا وتكەن جوق
وبەرحوفتاعى جارىس جولى سپورتشىلار ءۇشىن ىڭعايسىز. سونىمەن قاتار, سايىس كەزىندە كۇن رايى بۇزىلىپ, جەل تۇرعانىن دا ايتا كەتۋ كەرەك. سپرينتتىك باسەكەدە 100 سپورتشى مارەگە جەتە الدى.
جارىس ناتيجەسى بويىنشا ەليزاۆەتا بەلچەنكو 64-ءشى, اناستاسيا كوندراتەۆا 71-ءشى, ليۋدميلا احاتوۆا 96-شى ورىننان كورىندى.
بۇل سىندا يتاليالىق ليزا ۆيتوتستسي جەڭىمپاز اتانسا, فرانتسيالىق انايس شەۆالە كۇمىس, شۆەتسيالىق حاننا ەبەرگ قولا جۇلدە جەڭىپ الدى.
بۇگىن ەرلەر اراسىنداعى باسەكە باستالادى.