«Washington Post» گازەتى قىتاي ۇكىمەتى 2000 ەتنيكالىق قازاققا قىتاي ازاماتتىعىنان باس تارتىپ, مەملەكەتتەن كوشۋگە رۇقسات بەرگەنىن حابارلادى.
سىرتقى ىستەر مينيسترلىگىنىڭ ءباسپاسوز قىزمەتى اقش گازەتىنە بەرگەن جاۋابىندا 2000 قازاققا قىتايدان كەتۋگە رۇقسات بەرىلگەنىن راستادى. ولار قازاقستان ازاماتتىعىن الۋعا ءوتىنىش بەرە الاتىنىن نەمەسە قازاقستانعا كەلىسىمەن تۇراقتى تۇرعىن-جاي الۋعا مۇمكىندىگى بار ەكەنىن جەتكىزگەن.
«Washington Post» مالىمەتىنە ساي, قازاق ديپلوماتتارى شىڭجاڭداعى وتانداستارىمىزدى قورعاۋ ماقساتىندا بىرقاتار جۇمىس جۇرگىزگەن. گازەتكە جاۋاپ جازعان سىرتقى ىستەر مينيسترلىگىنىڭ وكىلدەرى قاراشا ايىندا 29 ازاماتىمىزدىڭ قىتايدا قاماۋعا الىنعانىن, ولاردىڭ 15-ءى بوساتىلعانىن جانە ەلگە قايتۋعا رۇقسات العانىن ايتقان.
سونىمەن قاتار باسىلىم جولداسى مەن ەكى بالاسىن ەكى جىل كورمەگەن 23 جاستاعى گۋلي ەسىمدى قانداسىمىزدىڭ بىلتىر شىلدەدە شىڭجاڭعا قايتۋعا مۇمكىندىك العانىن جازادى.
گۋليدىڭ: «قازاقستانعا ەندى بارا المايمىن دەپ ۋايىمدايتىنمىن. بالالارىمدى كورمەيمىن بە دەگەن كۇدىك تە بولدى. بارلىق ءۇمىتىم ۇزىلگەن-دى» دەگەن سوزدەرىن كەلتىرەدى.
امەريكالىقتارمەن سۇحباتقا كەلىسكەن تاعى ءبىر قانداسىمىز – ءىنىسىنىڭ لاگەردەن بوساتىلعانىن, بىراق قىتايدان كەتە الماي جۇرگەنىن ەستىگەن ابدىعازى ەرعازى «وتباسىمدى قازاقستانعا الىپ كەلۋدىڭ جولىن ىزدەپ جۇرمىن» دەگەن.
سۆەتلانا عالىمجانقىزى,
«ەگەمەن قازاقستان»