دارىگەرلەر دەرتتىڭ بەلەڭ الا باستاعانىن سوڭعى كەزدە بايقاعان. ناقتى دەرەكتەرگە سۇيەنسەك, 49 وقيعا تىركەلگەن. ونىڭ 27-ءسى ساندىقتاۋ اۋدانىنىڭ ەنشىسىندە.
وڭىردەگى قوعامدىق دەنساۋلىق ساقتاۋ دەپارتامەنتىنىڭ ماماندارى اۋرۋدىڭ بەلەڭ الۋىنا بالالاردىڭ قىزىلشاعا قارسى ەكپەنى الماۋى سەبەپشى دەيدى.
– 22 وقيعا ەكپە الماعان ءبىر جاسقا دەيىنگى بالالاردىڭ اراسىندا تۋىنداپ وتىر. بەس بالا مەديتسينالىق ساراپتاماعا وراي, ال 8-ءى دەنساۋلىق جاعدايىنا جانە اتا-اناسىنىڭ باس تارتۋىنا بايلانىستى ەكپە الماعان,– دەيدى وبلىستىق قوعامدىق دەنساۋلىق ساقتاۋ دەپارتامەنتىنىڭ ءبولىم جەتەكشىسى اسەم تولەۋباەۆا.
قازىرگى تاڭدا 27 ەمدەلۋشى ۇيىنە جىبەرىلدى. 22 بالا قىزىلشاعا قارسى ەكپە الىپ جاتىر. دارىگەرلەردىڭ ايتۋىنا قاراعاندا, ولاردىڭ جاعدايى ورتاشا. قازىر بارلىق ەمدەلۋشىلەر ستاتسيونارلىق ەم قابىلداۋدا. دەرتكە شالدىققاندارمەن بايلانىسقاندارعا باقىلاۋ جاسالىپ جاتىر. اۋرۋ وشاعىندا ەكپە سالۋ شارالارى جۇرگىزىلدى. قىزىلشانى الدىن الۋدىڭ ەڭ باستى جولى ءدال وسى ۆاكتسيناتسيا. دارىگەرلەردىڭ پايىمداۋىنشا, بارلىق اتا-انا مىندەتتى تۇردە بالالارىنا ەكپە سالدىرتۋلارى قاجەت. جاراتقاننىڭ ءوزى «ساقتانساڭ, ساقتايمىن» دەگەن.
بايقال ءبايادىل,
«ەگەمەن قازاقستان»
اقمولا وبلىسى