ەلباسى نۇرسۇلتان نازارباەۆ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى قازاقستان حالقىنا جولداۋىندا «جاستار مەن وتباسى ينستيتۋتىن كەشەندى قولداۋ مەملەكەتتىك ساياساتتىڭ باسىمدىعىنا اينالۋعا ءتيىس.
جاستاردىڭ بارلىق ساناتىن قولداۋعا ارنالعان شارالاردى تولىق قامتيتىن الەۋمەتتىك ساتىنىڭ اۋقىمدى پلاتفورماسىن قالىپتاستىرۋ كەرەك. كەلەسى جىلدى جاستار جىلى دەپ جاريالاۋدى ۇسىنامىن. ءبىز اۋىلدىق جەرلەردىڭ الەۋمەتتىك ورتاسىن جاڭعىرتۋعا كىرىسۋىمىز كەرەك» دەگەن بولاتىن. پرەزيدەنتتىڭ بۇل باستاماسى ەلىمىزدەگى كوپتەگەن جاستاردىڭ بولاشاققا دەگەن ءۇمىتى مەن سەنىمىن وياتقانى انىق.
جاستار جىلى اياسىندا جامبىل وبلىسىندا بىرقاتار جوبالار قولعا الىناتىن بولادى. وبلىستىق جاستار ساياساتى ماسەلەلەرى باسقارماسىنىڭ باسشىسى ءمادي ماتەننىڭ ايتۋىنشا, جاستاردى قولداۋ ماقساتىندا وتكەن جىلى 574,6 ميلليون تەڭگە قارالعان بولسا, بۇل ماقساتقا 2019 جىلى 638,7 ميلليون تەڭگە جوسپارلانىپ وتىر ەكەن. سونىمەن قاتار, جامبىل وبلىسىن 2016-2020 جىلعا دەيىن دامىتۋ باعدارلاماسىندا جاستار ساياساتىنا قاتىستى 2 ينديكاتورلىق كورسەتكىش بەلگىلەنگەن. ءبىرىنشى كورسەتكىش, «جاستاردىڭ جالپى سانىنداعى ەش جەردە وقىمايتىن, ەش جەردە جۇمىس ىستەمەيتىن NEET جاستار كورسەتكىشىنىڭ وبلىستىق جىلدىق جوسپارىن 8,5 پايىزعا ازايتۋ بولىپ وتىر. وتكەن جىلدىڭ ءۇشىنشى توقسانىنداعى جاعداي بويىنشا بۇل كورسەتكىش 8,1 پايىزدى قۇراعان. ال ء«وڭىر جاستارىنىڭ مەملەكەتتىك جاستار ساياساتىنا قاناعاتتانۋ دەڭگەيى» وتكەن جىل بويىنشا جوسپارلى 73 پايىزدىق مەجە بولسا, الەۋمەتتىك زەرتتەۋلەر بويىنشا ول 77,8 پايىزدى كورسەتكەن.
حاميت ەسامان,
«ەگەمەن قازاقستان»
جامبىل وبلىسى