بىلتىر «تۇرعىن ءۇي قۇرىلىس جيناق بانكى» ء«وز ءۇيىم» باعدارلاماسى بويىنشا سول جاعالاۋداعى جاڭا ۇيلەردى بەرۋگە كونكۋرس جاريالاعان.
– ء«وز ءۇيىم» باعدارلاماسى 2015 جىلدان باستاپ جۇزەگە اسۋدا. ادەپكىدە باعدارلاما تالابى بويىنشا العاشقى جارنا ءۇي باعاسىنىڭ 30 پروتسەنتىن جيناقتاۋ جانە نەسيەنىڭ جىلدىق ۇستەمەسى 8,5 پروتسەنت بولسا, وتكەن جىلدان باستاپ العاشقى جارنا 20 پروتسەنت جانە نەسيە 7 پروتسەنتپەن بەرىلە باستادى. باعدارلامانىڭ ءبىر ءتيىمدى تۇسى كەز كەلگەن ادام قاتىسا الاتىندىعىندا. ەڭ باستىسى, تولەم قابىلەتىن راستاسا بولدى. اتىندا جىلجىمايتىن م ۇلىك بولعانى دا كەدەرگى ەمەس جانە كەز كەلگەن قالادان ءۇي الۋعا مۇمكىندىگى بار,– دەيدى بانك فيليالىنىڭ ورىنباسارى ءىلياس جۇرىنوۆ.
باعدارلاما شارتى بويىنشا تۇرعىندار وتكەن جىلدىڭ 24-ءى جەلتوقساننان بيىلعى جىلدىڭ 14-ءى قاڭتارى ارالىعىندا سول جاعالاۋداعى العاشقى بەس ءۇيدىڭ ەكى-ءۇش بولمەلى پاتەرلەرىنەن بايقاۋعا قاتىسۋ ارقىلى ءۇي الا الادى.
بۇگىندە بەرىلۋگە ءتيىس 115 پاتەرگە بايقاۋ جاريالانعاننان بەرى بەس جۇزدەن استام ءوتىنىش ءتۇسىپتى. ەڭ الدىمەن ءۇي الۋعا كوپ قارجى قۇيعان سالىمشىلار جوعارى كورسەتكىشكە يە بولىپ, الدىڭعى قاتاردا الا الماق. ء«وز ءۇيىم» باعدارلاماسى بويىنشا پاتەر 14 جىلعا بەرىلەدى.
مۇنداعى ەرەكشەلىك, العاشقى سەگىز جىلدا نەسيەنى 7 پايىزبەن قۇيساڭىز, قالعان 6 جىلدا 3,8 پايىزبەن تولەيسىز.
قازاقستان نارىعىنا شاققاندا ءۇي باعاسى اناۋ ايتقانداي قىمبات ەمەس. شارشى مەترى 120 تەڭگە قۇرايتىن ءۇيدى الۋعا تۇرعىنداردىڭ شاماسى جەتەدى.
باقتيار تايجان,
«ەگەمەن قازاقستان»
قىزىلوردا وبلىسى