قازاقستاندىقتاردىڭ سيريادان قايتارىلۋى بىرقاتار حالىقارالىق جاڭالىق اگەنتتىكتەرىنىڭ نازارىن اۋدارتتى. سولاردىڭ ءبىرى – فرانتسيانىڭ «فرانس 24» حالىقارالىق جاڭالىق ارناسى.
قازاقستاننىڭ قاۋىپسىزدىك قىزمەتىنە سىلتەمە جاساي وتىرا, 2011 جىلدان بەرى جۇزدەگەن وتانداسىمىزدىڭ سيرياداعى اسكەري توپتاردىڭ قاتارىن تولىقتىرعانىن جازادى.
ودان ءارى ەلباسىنىڭ «وسى جىلدىڭ 6 قاڭتارى 47 قازاقستان ازاماتى, ونىڭ ىشىندە 30 ءسابي سيريادان ەلگە قايتارىلدى. ەندىگى كەزەكتە ەركىنەن تىس سوعىسقا تارتىلعانداردىڭ بالالارىن قايتارۋعا تىرىسامىز» دەگەن مالىمدەمەسىن جاريالاي وتىرىپ, قازاقستان 2017 جىلدان بەرى تۇركيا, رەسەي, يران ەلدەرىمەن بىرلەسىپ, سيريا ماسەلەسى بويىنشا بىرنەشە كەلىسسوز جۇرگىزگەنىن ايتادى. استاناداعى كەلىسسوزگە سيرياداعى قارۋلى توپتاردىڭ وكىلدەرى قاتىستى. الايدا ولاردىڭ قاتارىندا يسلام مەملەكەتىنىڭ وكىلدەرى بولماعانىن جازادى.
سونىمەن قاتار «سيرياداعى اسكەرلەر سابىنان مىڭداعان ورتالىق ازيا ەلدەرىنىڭ, كاۆكاز ازاماتتارىن كەزدەستىرۋگە بولادى», دەيدى بەسىنشى مەملەكەتتىڭ جاڭالىق ارناسى.
سوز سوڭىندا 2011 جىلى ۇكىمەتكە قارسى نارازىلىق سەبەبىنەن تۋعان ازاماتتىق سوعىس ناتيجەسىندە 360 000 ادام كوز جۇمعانىن حابارلايدى.
ال تۇركيانىڭ انادولۋ اگەنتتىگى قازاقستان رەسپۋبليكاسىنىڭ سىرتقى ىستەر مينيسترلىگى قۇقىق قورعاۋ ۆەدومستۆولارىنىڭ گۋمانيتارلىق وپەراتسياسى ناتيجەسىندە 47 ازاماتىمىزدىڭ ەلگە قايتارىلعانىن حابارلاعان.
سونىمەن قاتار, ەلباسىنىڭ «ۇرىس اۋماعىنان قايتارىلعان ازاماتتارىمىز بەن بالالارعا كومەكتىڭ بارلىق ءتۇرى كورسەتىلەدى. وسىنداي قيىن جاعدايعا تۇسكەن كىناسىز ادامدار قۇتقارىلعانىنا باقىتتى. ولار اداپتاتسيادان ءوتىپ, مەديتسينالىق كومەك كورسەتىلەدى» دەگەن مالىمدەمەسىن جاريالاعان.
تۇرىك اگەنتتىگى حابارلاماسىن 2011 جىلدان بەرى جۇزدەگەن قانداستارىمىزدىڭ قارۋلى توپتارعا قوسىلۋ ماقساتىندا ەلىمىزدى تارك ەتكەنىن, ولاردىڭ كوبى سوعىستا قازا بولعان اقپاراتپەن ءتامامدايدى.