قحر توراعاسى سي تسزينپين مەن سولتۇستىك كورەيانىڭ كوشباسشىسى كيم چەن ىن ەكىجاقتى قارىم-قاتىناستى ۇزدىكسىز دامىتۋعا جانە حالىقارالىق دامۋعا وڭ ۇلەس قوسۋعا كەلىستى, دەپ حابارلادى قىتاي ءسىم.
كيم چەن ىن سي ءتسزينپيننىڭ شاقىرۋى بويىنشا 7-10 قاڭتاردا قىتايعا كەلدى. بۇل - سولتۇستىككورەيالىق كوشباسشىنىڭ ءبىر جىلعا جەتپەيتىن ۋاقىت ىشىندەگى قىتايعا بولعان ءتورتىنشى ساپارى.
«تاراپتار قىتاي مەن كحدر قارىم-قاتىناسىنىڭ ۇزدىكسىز دامۋى ءۇشىن بىرلەسىپ جۇمىس جاساۋعا, كورەي تۇبەگىنىڭ ماسەلەلەرىن ساياسي رەتتەۋدى ىلگەرىلەتۋگە, سونداي-اق وڭىردەگى جانە الەمدەگى تۇراقتىلىق پەن بەيبىتشىلىكتى قولداۋعا دايىن ەكەندىكتەرىن ءبىلدىردى», - دەلىنگەن حابارلامادا.
«8 قاڭتاردا بۇكىلحالىقتىق جينالىس ۇيىندە وتكەن كەلىسسوزدەر بارىسىندا تاراپتار ەكىجاقتى قارىم-قاتىناس جانە ءوزارا قىزىعۋشىلىق تۋدىراتىن ماسەلەلەر بويىنشا پىكىر الماسىپ, ماڭىزدى كەلىسىمگە قول جەتكىزدى», دەپ حابارلايدى ءسىم.
كەيىن سي تسزينپين, قىتايدىڭ ءبىرىنشى حانىمى جانە كيم چەن ىن جۇبايىمەن كونتسەرت تاماشالادى.
9 قاڭتار كۇنى تاڭەرتەڭ سي تسزينپين «پەكين» قوناق ۇيىندە كيم چەن ىنمەن كەزدەستى. كەلىسسوزدەردەن كەيىن سولتۇستىككورەيالىق قوناقتار ءۇشىن قىتاي كوشباسشىسى مەن ونىڭ زايىبى اتىنان تۇسكى اس دايىندالدى. سارسەنبى كۇنى كيم چەن ىن فارماتسەۆتيكالىق كومپانيا زاۋىتىنا بارىپ, ءداستۇرلى قىتاي مەديتسيناسىنداعى ءدارى-دارمەك وندىرىسىمەن تانىستى.