جاڭا جىلدى اشەكەيلەنگەن شىرشامەن قارسى الاتىن ءداستۇردىڭ اتى وزىپ-اق تۇر. وكىنىشتىسى سول, مەرەكەدەن كەيىن تابيعاتتىڭ وسىناۋ تاماشا سىيىنىڭ كەرەگى بولماي, كۇرەسىنگە لاقتىرىلادى. مىنە, وسى كوڭىلسىز جايتقا ءسال دە بولسا ساۋلە جۇگىرتۋ ماقساتىندا قاراعاندىنىڭ حايۋاناتتار باعى جاڭا اكتسيا باستاپ كەتتى.
ەندى قالا تۇرعىندارى جاڭاجىلدىق مەرەكە كۇندەرى ۇيلەرىن بەزەندىرگەن شىرشالاردى حايۋاناتتار باعىنا تاپسىرا الادى. ول جەردە قىلقان جاپىراقتىلار پايداعا جاراتىلادى: بۇتالارمەن جانۋارلاردىڭ قورشاۋلارى جىلىتىلادى.
– ادەتتە شىرشالاردى دالاعا لاقتىرىپ جىبەرەدى, كونتەينەرلەر الاڭقايلارى قوقىسقا تولىپ كەتەدى. الايدا, بۇل كەرەكسىز بولىپ قالعان شىرشالاردى حايۋاناتتار باعىنا قايتا وڭدەۋگە تاپسىرىپ, قالامىزدىڭ ەكولوگياسىن قورعاپ قالۋعا بولادى ەمەس پە؟ ول ءۇشىن شىرشالاردى قابىلداۋ بەكەتىنە الىپ كەلىپ تاپسىرۋ قاجەت. ءبىز شىرشالاردى اشەكەيلەر جانە جىلتىراقتارسىز قابىلدايمىز. ايازدى كۇندەرى بۇل بۇتالارمەن جىرتقىش اڭداردىڭ ۇيشىكتەرىن جىلىتامىز, – دەيدى حايۋاناتتار باعىنىڭ قىزمەتكەرلەرى.
قايرات ءابىلدا,
«ەگەمەن قازاقستان»
قاراعاندى