اۋدان بويىنشا بىلتىرعى جىلعى قۇرىلىس جۇمىستارىنىڭ كولەمى جوسپار بويىنشا 52 569,0 ملن تەڭگە, ناتيجە 56 048,8 ملن تەڭگە (2017 جىلى 43 833,4 ملن. تەڭگە). وتكەن جىلدىڭ كورسەتكىشىمەن سالىستىرعاندا 127,9% وسكەن. بىلتىرعى جىلدىڭ ەسەپتىك كەزەڭىمەن سالىستىرعاندا 3,5 ەسەگە كوبەيدى. قۇرىلىس جۇمىستارىنىڭ ناقتى كولەم يندەكسى 3,5 ەسە ارتىپ وتىر. بۇل وبلىستىق كورسەتكىشتىڭ 40 پايىزىن قۇراپ وتىر.
پايدالانۋعا بەرىلەتىن تۇرعىن ۇيلەردىڭ جالپى اۋدانى 39,7 مىڭ شم. (2017 جىلى 38,6 مىڭ شم). تۇرعىن ۇيلەردى قولدانىسقا ەنگىزۋ. كوپپاتەرلى تۇرعىن ۇيلەردى جوندەۋ جۇمىستارى بويىنشا قۇرىق اۋىلىنداعى ءۇش كوپپاتەرلى تۇرعىن ۇيلەرگە جوندەۋ جۇمىستارى تولىق جۇرگىزىلدى.
«ەرساي» جانە «نايزا قۇرىلىس» كومپانيالارىنىڭ دەمەۋشىلىگىمەن قۇرىق اۋىلىنداعى 20 ءۇيدىڭ سىرتقى فاسادتارى جوندەلدى, 10 ءۇيدىڭ توبەسىنە ماڭدايشا قويىلدى. جەتىباي اۋىلىنداعى قۇلاۋ قاۋپى بار ۇيدەگى تۇرعىنداردى كوشىرۋ ماقساتىندا, جەتىباي اۋىلىنا 2-قاباتتى 48 پاتەرلىك ەكى تۇرعىن ءۇيدىڭ قۇرىلىسىنىڭ جسق جاساقتالىپ, جوبا قۇنى 1 ملرد 187,6 ملن تەڭگەگە قارجىلاندىرۋعا ۇسىنىلدى. قازىرگى تاڭدا اۋدان بويىنشا تۇرعىن ۇي كەزەگىندە – 943 ازامات ەسەپكە الىنعان. سونداي-اق, قۇرىق اۋىلىندا كوپ قاباتتى 120 پاتەرلىك ارەندالىق 5 تۇرعىن ۇيلەر سالىنۋدا. ال, بولاشاق اۋىلىندا ەكى پاتەرلىك 5 تۇرعىن ءۇي پايدالانۋعا بەرىلدى.
جالپى قۇرىلىس سالاسىندا «نكوك» كومپانياسىنىڭ قارجىلاندىرۋىمەن سەنەك اۋىلىندا جوبالىق قۇنى 196,0 ملن قۇرايتىن, اۋلاسىندا ەكى 40ح20 فۋتبول الاڭدارى بار سپورت زالىنىڭ قۇرىلىسى باستالدى. عيمارات كولەمى 633 شارشى مەتر. تاپسىرىس بەرۋشى مقي, مەردىگەر مەكەمە «شابىت» جشس, قۇرىلىستىڭ اياقتالۋ مەرزىمى 2019 جىلدىڭ تامىز ايى.
«وڭداسىن ستروي» جشس قولداۋىمەن قۇرىق اۋىلىندا قۇنى 40,0 ملن تەڭگە قۇرايتىن تيپتىك جوباداعى سپورت زال قۇرىلىسى, جەتىباي, مۇنايشى جانە قۇرىق اۋىلدارىندا «سامۇرىق قازىنا تراست» قورى مەن جەر قويناۋىن پايدالانۋشى مەكەمەلەرىنىڭ دەمەۋشىلىگىمەن («ەرساي» جشس, «بيدجيپي» جشس, «بەكتۇرلى وپەرەيتينگ» جشس) 3 ۆوركاۋت, 3 بالالاردىڭ ويىن الاڭى سالىنىپ, حالىق يگىلىگىنە بەرىلدى. سونىمەن قاتار جەتىباي اۋىلى كىتاپحاناسىنا اعىمداعى جوندەۋ جۇمىستارى جۇرگىزىلدى (قۇنى 20 ملن تگ).
اۋىز سۋمەن قامتاماسىز ەتۋ بويىنشا ورتالىقتاندىرىلعان سۋ قۇبىرلارىن حالىققا جەتكىزۋ كورسەتكىشى 90% جەتتى (2017 ج. – 84%, جالپى ۇزىندىعى 348 شاقىرىم). وتكەن جىلمەن سالىستىرعاندا 6% وسكەن.
بيىل 100,0 ملن تەڭگە قاراجات ءبولىنىپ, جەتىباي اۋىلىنداعى «ۇلۋتاس» (35 ءۇي), «قالمامبەت» (48 ءۇي), «جاڭعابىل ۇلى» (112 ءۇي) شاعىن اۋداندارىنا 195 تۇرعىن ۇيلەرىنە سۋ قۇبىرى تارتىلىپ جاتىر.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى