ماڭعىستاۋدا جاس كاسىپكەرلەر قاۋىمداستىعى قۇرىلادى

وتكەن جىلى كاسىپ اشقان ماڭعىستاۋلىقتارعا 27 ملرد. تەڭگە نەسيە بەرىلگەن. بۇل الدىڭعى جىلدارمەن سالىستىرعاندا 20 پايىزعا كوپ. نەسيە العانداردىڭ باسىم بولىگىن جاستار قۇراپ وتىر. بريفينگكە وتكەن جىلى كاسىپ اشىپ, تابىستى ەڭبەك ەتىپ جاتقان جاس كاسىپكەرلەر دە قاتىسىپ, وزدەرىنىڭ تابىس قۇپيالارىمەن ءبولىستى.

2018 جىلدىڭ ەسەبى بويىنشا ايماقتا 51 مىڭ شاعىن جانە ورتا بيزنەس سۋبەكتىسى تىركەلگەن. شاعىن جانە ورتا كاسىپپەن اينالىساتىن ادامدار سانى – 120 مىڭ. بەرىلگەن ميكرونەسيەلەر سانى – 2,2 ملرد, بۇل كورسەتكىش تە الدىڭعى جىلدارمەن سالىستارعاندا 2 ەسەگە ارتقان.  بيىل اۋىل كاسىپكەرلەرىن قولداۋ ءۇشىن قازىنادان 1 ملرد 400 ملن تەڭگە قارجى بولىنبەك. وتكەن جىلمەن سالىستىرعاندا 20 پروتسەنتكە كوپ.

پالاتا ديرەكتورىنىڭ ايتۋىنشا, 2018 جىلدىڭ قاڭتار-قاراشا ايلارى بويىنشا بولشەك ساۋدا اينالىمى – 86 537 ملن. تەڭگەنى قۇراپ, 2017 جىلمەن سالىستىرعاندا 101,1 % ورىندالعان, بۇگىندە وبلىستا 35 بازار ورتالىعى, 16 ساۋدا ورتالىعى تىركەلگەن. سونداي-اق, 2018 جىلى كاسىپكەرلىك پالاتانىڭ قۇقىقتىق بلوگىنا 382 قۇقىقتىق ءوتىنىم ءتۇسىپ, ونىڭ 132-ءى كاسىپكەرلىك سۋبەكتىنىڭ قۇقىعىنا قاتىستى, 69 وتىنىمگە وڭ باعا بەرىلىپ, 51 وتىنىمگە تۇسىندىرمە جۇمىستارى ۇسىنىلدى, 12 ءوتىنىم قارالۋ ۇستىندە. «اتامەكەن» پالاتاسىنىڭ قولداۋىمەن قۇنى - 2 ملرد. 199 ملن. 449 تەڭگە تۇراتىن جوبالاردىڭ قۇقىعى قورعالدى.

بيىل ماڭعىستاۋ وبلىسىندا اقپان ايىنان باستاپ كاسىپكەرلىك سكرينينگ جۇرگىزىلەدى. بۇل جۇمىستاردىڭ العاشقى كەزەڭىنە قازىنادان 50 ملن. تەڭگە ءبولىندى.

- ماسەلەن, قۇس باعىپ, جۇمىرتقا ءوندىرىپ وتىرعان نەمەسە باقشا ەگىپ, ءونىم الىپ وتىرعان ازاماتتاردى انىقتاپ, ولارعا قولداۋ كورسەتىلمەك. ونىمدەرىن تاپسىرۋعا كومەكتەسەمىز. وسىلايشا تۇرعىنداردىڭ كۇندەلىكتى تابىسىن ارتتىرىپ, كاسىبىىن دوڭگەلەتۋىنە قولۇشى بەرىلەدى. بۇل ايماقتاعى كاسىپكەرلەردىڭ سانىن ارتتىرىپ, كولەڭكەلى بيزنەستىڭ الدىن الۋعا مۇمكىندىك بەرەدى, دەدى ن.قاراساەۆ.

گۇلايىم شىنتەمىرقىزى,

«ەگەمەن قازاقستان»

ماڭعىستاۋ وبلىسى