حالىقارالىق شاحمات فەدەراتسياسى پرەزيدەنتى كەڭەسىنىڭ شەشىمى بويىنشا التى قازاقستاندىق FIDE-ءنىڭ رەسمي كوميسسيا مۇشەسى اتاندى. كوميسسيا مۇشەلەرىن FIDE ءار ءتورت جىل سايىن بەكىتىپ, ءار ەلدەگى شاحماتتىڭ تانىمالدىعىنا, دامۋ قارقىنىنا قاراپ تاڭدايدى.
ەلىمىزدىڭ اتىنان جاندوس ابىشەۆ حالىقارالىق شاحمات فەدەراتسياسىنىڭ ءىس-شارالار بويىنشا, يرينا گريششەنكو الەۋمەتتىك ماسەلەلەر جونىندە, ەۆگەني ۆلاديميروۆ ءبىلىم بەرۋ سالاسىنىڭ كوميسسياسىنىڭ مۇشەسى اتاندى. سونداي-اق دارمەن سادۋاقاسوۆ جاھاندىق ستراتەگيالىق كوميسسيا مۇشەلىگىنە, دينارا سادۋاقاسوۆا ەرەجەلەر جانە گۇلميرا داۋلەتوۆا جەرەبە بويىنشا كوميسسيانىڭ وكىلى بولىپ سايلاندى.
الداعى ءتورت جىلدىقتىڭ كوميسسيا مۇشەلىگىنە الەمنىڭ 130 ەلىنەن 224 وكىل سايلاندى. قازاقستان ەڭ كوپ وكىل قوسقان ەل رەتىندە رەسەي مەن اقش-تان كەيىن ءۇشىنشى ورىندا تۇر. بۇعان دەيىن FIDE-گە بىردە-ءبىر قازاقستاندىق وكىل سايلانباعان بولاتىن.
دايىنداعان الي بيتورە,
«ەگەمەن قازاقستان»