«ەلباسى 2019 جىلدى جاستار جىلى دەپ جاريالادى. جاستاردى جانە وتباسى ينستيتۋتىن كەشەندى قولداۋ مەملەكەتتىك ساياساتتىڭ باسىمدىعى بولۋى ءتيىس.ء بىزدىڭ وڭىردە قازاقستاننىڭ بولاشاعىن قولداۋ ءۇشىن بارلىق شارالار قابىلدانۋدا. اتاپ ايتقاندا, اعىمداعى جىلى 14-29 جاس ارالىعىنداعى 200 مىڭنان استام اقتوبەلىك جاستاردى قامتيتىن 300-دەن اسا شارا وتەدى», - دەدى نۇرلان كۇنتۋوۆ.
سپيكەر وڭىردە جاستار جىلىن وتكىزۋ جانە مەملەكەتتىك جاستار ساياساتىن جۇزەگە اسىرۋ جونىندەگى ءىس-شارالار جوسپارىن تانىستىردى.
ءىس-شارالاردى ۇيىمداستىرۋ كەزىندە حالىقارالىق جاستار ىنتىماقتاستىعىن, ەرىكتىلەر قوزعالىسىن دامىتۋعا, قوعامدىق سانانى جاڭعىرتۋ شەڭبەرىندە جاستارعا اسكەري-پاتريوتتىق تاربيە بەرۋگە, مادەني, ازاماتتىق جانە رۋحاني-ادامگەرشىلىك قۇندىلىقتارعا باۋلۋعا, جاستاردىڭ كاسىپكەرلىگىن دامىتۋعا باسا نازار اۋدارىلاتىن بولادى. سونداي-اق,ء جاستاردى دىني ساۋاتتاندىرۋ, ولاردىڭ قۇقىقتىق مادەنيەتىن ارتتىرۋ, جاستاردى جۇمىسپەن قامتۋ جانە كاسىبي باعدار بەرۋ باعىتتارى بويىنشا جۇمىستار كۇشەيتىلەدى», - دەدى باسقارما باسشىسى.
اتاپ ايتقاندا, وڭىردە حالىقارالىق ەرىكتىلەر فورۋمى, ح جازعى رەسپۋبليكالىق ۋنيۆەرسيادا, جاس كاسىپكەرلەر فورۋمى, «جىگەر» اسكەري-پاتريوتتىق لاگەرى جانە ت.ب. وتەدى.
ايتا كەتەيىك, جاستار جىلىنىڭ قارساڭىندا 2018 جىلدىڭ قاراشا ايىندا اقتوبەدە العاش رەت «Jas barys» اتتى وبلىستىق جاستار فورۋمى وتكىزىلگەن بولاتىن. فورۋم بارىسىندا بارلىق قازاقستاندىق جاستارعا ارناپ ۇندەۋ جولداندى. اقتوبەلىكتەر قازاقستاندىق جاستاردى وتانىمىزدىڭ پاتريوتى بولۋعا, ساپالى ءبىلىم مەن قولجەتىمدى تۇرعىن ءۇي الۋ ءۇشىن مەملەكەتتىك قولداۋ شارالارىن قولدانۋعا, مەملەكەتتىڭ دامۋىنا بارلىق كۇش-جىگەرلەرىن سالۋعا شاقىردى.