«اتا جولى» اۆتوموبيل جولىنىڭ قۇرىلىسى بيىل قاراشا ايىندا اياقتالادى

اۋداندا اۆتو جولداردىڭ قۇرىلىسى مەن جوندەۋ جۇمىستارى بويىنشا اعىمداعى, ورتاشا جوندەۋ جانە كۇتىپ ۇستاۋ جۇمىستارىنا بارلىعى 2018 جىلعا 52 ملن 795,0 مىڭ تەڭگە قاراجات ءبولىندى. ونىڭ ىشىندە: كۇتىپ ۇستاۋ جۇمىستارىنا ۋچاستوك №1-گە 31 ملن 700 مىڭ تەڭگە, ال ۋچاستوك №2-گە 5 ملن 400 مىڭ تەڭگە جۇمسالدى. سونىمەن قاتار, جەتىباي اۋىلىشىلىك جولىنا اعىمداعى جوندەۋ جۇمىستارىنا 15 ملن 695 مىڭ تەڭگە جۇمسالدى. جەتىباي اۋىلىنداعى جاڭا شاعىن اۋداندارىنىڭ اۋىلىشىلىك اۆتوكولىك جولدارىنىڭ قۇرىلىسىنا 150,0 ملن تەڭگە قارجى ءبولىندى.

سونىمەن قاتار «قۇرىق-قۇرىق پورتى» اۆتوموبيل جولىن رەكونسترۋكتسيالاۋ» قۇرىلىس-مونتاجداۋ جۇمىستارىنىڭ قۇنى 8 ملرد 570 ملن 530 مىڭ تەڭگە. قازىرگى تاڭدا اتالعان جولدىڭ 22 شاقىرىم جولىنا اسفالت توسەلدى جانە تەمىر جول وتپەسى سالىندى.

سونداي-اق «اتا جولى» اۆتوموبيل جولىن رەكونسترۋكتسيالاۋ» قۇرىلىس-مونتاجداۋ جۇمىستارىنا 2018 جىلعا 1 ملرد تەڭگە قاراجات ءبولىندى. جالپى قۇنى 5 ملرد 18 ملن تەڭگە. تاپسىرىس بەرۋشى ماڭعىستاۋ وبلىسىنىڭ جولاۋشىلار كولىگى جانە اۆتوموبيل جولدار باسقارماسى, باس مەردىگەر مەكەمە «اقجولقۇرىلىس» جشس-ءى. قازىرگى تاڭدا اتالعان جولدىڭ 21% جولى اياقتالدى. نىساننىڭ اياقتالۋ مەرزىمى 2019 جىلدىڭ قاراشا ايى.

 - «قۇرىق-جەتىباي» اۆتوجولىن جاڭارتۋ جۇمىسى كۇن تارتىبىندە تۇر. ۇزىندىعى 64 شاقىرىم بولاتىن جولدى قايتا جوندەۋگە 11 ملرد تەڭگە قاجەت. جوبالىق سمەتالىق قۇجاتتاماسى جاساقتالدى. ۇكىمەت ماقۇلداپ, رەسپۋبليكا تاراپىنان قارجىلاندىرۋ شەشىلسە, بيىل جول قۇرىلىسىن باستاپ كەتەمىز دەدى اۋدان اكىمى ق.بەكوۆ.

سونداي-اق, بيىل قۇرىق اۋىلىنداعى ابدەن توزىعى جەتكەن 7 شاقىرىم جول جوندەلەتىن بولدى. ال, اپپاق, مۇنايشى, بوستان اۋىلدارىنداعى جولداردى جوندەۋ ءۇشىن جوبالىق سمەتالىق قۇجاتتاماسىن جاساۋعا قارجى ءبولىندى. اتالعان جۇمىستار الداعى جازدا اياقتالادى. اۋدان اكىمىنىڭ ايتۋىنشا, بۇل اۋىلدار ىشىندەگى بارلىق جولدى جوندەۋ مۇمكىن ەمەس, ول مول قاراجاتتى تالاپ ەتەدى. سوندىقتان قاتتى توزعان, جۇرۋگە جارامسىز بولىكتەر الدىمەن جاڭارتىلماق.

گۇلايىم شىنتەمىرقىزى,

«ەگەمەن قازاقستان»

ماڭعىستاۋ وبلىسى