بيىل ماڭعىستاۋ وبلىسىندا جاستار جىلىنا وراي 100 شارا وتكىزىلەدى. 3000 ورىندىق جاتاقحانا سالىنىپ, 200 دەن استام جاسقا ءۇي الۋعا نەسيە بەرىلەدى. بۇل تۋرالى ماڭعىستاۋ وبلىسى «وڭىرلىك كوممۋنيكاتسيالار قىزمەتى الاڭىندا» جۇرگىزىلگەن بريفينگ بارىسىندا جاستار ساياساتى باسقارماسى باسشىسى باۋىرجان تۇياقوۆ ءمالىم ەتتى.
بريفينگ بارىسىندا سپيكەرلەر «2019 - جاستار جىلىندا» 100 ناقتى قادامداردان تۇراتىن جول كارتاسىنىڭ باسىمدىق بەرىلەتىن باعىتتارى بويىنشا اتقارىلاتىن جوسپاردى جانە جەلىلىك كەستەگە سايكەس يميدجدىك شارالار بويىنشا باياندادى.
ماڭعىستاۋ وبلىسى بويىنشا بۇگىنگى تاڭدا 14 پەن 29 جاس ارالىعىندا 145 657 جاس بار, بۇل جالپى وبلىس تۇرعىندارىنىڭ 22,1% پايىزىن قۇرايدى. قالالاردا – 70 174, اۋىلدىق جەرلەردە 75 483 جاس تۇرادى. ال, «وبلىستىق جاستار رەسۋرستىق ورتالىعى» ديرەكتورى دوسان جەتكىزگەننىڭ ايتۋى بويىنشا, ايماقتا 8 جاستار رەسۋرستىق ورتالىعى قىزمەت اتقارادى, ونىڭ ىشىندە 1-وبلىستىق جانە اۋدان, قالا دەڭگەيىندە, 7 - «جاستاردىڭ رەسۋرستىق ورتالىقتارى» كوممۋنالدىق مەملەكەتتىك مەكەمەلەرى. سونداي-اق, سپيكەر ماڭعىستاۋدا تۇڭعىش رەت اشىلعان جاستارعا ارنالعان «ارمان» كوۆوركينگ ورتالىعى تۋرالى دا ءسوز ەتتى.
ەلباسىنىڭ جارلىعىمەن 2019 جىل – «جاستار جىلى» دەپ جاريالاندى. وسى ورايدا وبلىستىق جاستار ساياساتى ماسەلەلەرى باسقارماسى, بارلىق باسقارمالار مەن دەپارتامەنتتەر, قالالار مەن اۋداندار اكىمدەرىمەن بىرلەسە وتىرىپ 2019 جىلعا ارنالعان جول كارتاسى اياسىنداعى 100 ناقتى شارانى ىسكە اسىرادى. اتاپ ايتقاندا اعىمداعى جىلى: جىل باسىندا «جاستار جىلىنىڭ» اشىلۋ ءراسىمىن ۇيىمداستىرىپ, ءوڭىر جاستارىنا جوبالاردى تانىستىرىلادى.
ونىڭ ىشىندە 2 ءىرى حالىقارالىق شارا ۇيىمداستىرۋ كوزدەلىپ وتىر. ءبىرىنشى, تامىز ايىندا اقتاۋ ءسامميتىنىڭ 1 جىلدىعى اياسىندا ماڭعىستاۋعا شەكارالاس مەملەكەت جاستارىنىڭ «جاستار دوستىعى – 2019» فورۋمى. ەكىنشى حالىقارالىق اۋقىمدى شارا – جاستار مارافونى. مامىر ايىنا جوسپارلانعان شاراعا تەك كاسپي ماڭى ەمەس, دۇنيەجۇزى ەلدەرىنەن نيەتتىلەر قاتىسا الادى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى