تۇركىستان وبلىسىندا تابيعي ءونىم شىعاراتىن كاسىپورىندار قاتارى كوبەيىپ كەلەدى. بۇل ءوز كەزەگىندە ەلىمىزدە يمپورت ۇلەسىن ازايتۋعا سەپتىگىن تيگىزۋدە.
مىسالى, كۇنى كەشە قازىعۇرت اۋدانىندا ىسكە قوسىلعان شىرىن وندىرەتىن كاسىپورىن نەگىزىنەن اۋداندا وسەتىن جەمىس-جيدەكتەردى پايدالانادى.
ەكى گەكتار اۋماقتى الىپ جاتقان, جالپى قۇنى 589 ملن تەڭگە بولاتىن جوبانى «كورىك شق» جاۋاپكەرشىلىگى شەكتەۋلى سەرىكتەستىگى جۇزەگە اسىرىپ وتىر. «دەليس» ساۋدا بەلگىسىمەن شىعاتىن سۋسىن حيميالىق قوسپاسىز دايىندالادى. الما, المۇرت, قىزاناق, سابىزدەن شىرىننىڭ ءتورت ءتۇرىن دايىندايتىن كاسىپورىن تاۋلىگىنە 8 توننا ءونىم شىعارۋعا قاۋقارلى. دايىن ءونىم ەلىمىزدىڭ بارلىق ايماعىنا تاراتىلادى. «قازىعۇرت» يندۋستريالدى ايماعىندا ورنالاسقان كاسىپورىندا 21 ازامات جۇمىس ىستەيدى. زاماناۋي تەحنولوگيامەن جابدىقتالعان شاعىن زاۋىتتا الداعى ۋاقىتتا ءونىم كولەمىن ارتتىرا ءتۇسۋ جوسپارلانعان.
جالپى «قازىعۇرت» يندۋستريالدىق ايماعىندا بۇگىندە جالپى قۇنى 2,3 ملرد تەڭگەلىك 7 جوبا جۇزەگە اسىرىلىپ جاتىر. وندا 173 جەرگىلىكتى تۇرعىن جۇمىس ىستەيدى. بيىل تاعى قوسىمشا 3 جوبانى ىسكە قوسۋ جوسپارلانعان.
عالىمجان ەلشىباي,
«ەگەمەن قازاقستان»
تۇركىستان وبلىسى