جىلجىمايتىن م ۇلىك سالاسىندا بيىلعا بىرقاتار ءىرى وزگەرىستەر جوسپارلانعان.
پيك-تەر جويىلادى
2019 جىلى پاتەر يەلەرى ءۇشىن باستى وزگەرىستىڭ ءبىرى ءۇيدى باسقارۋ فورماسىنىڭ وزگەرۋى. ادەتتەگى پيك-تەر (پاتەر يەلەرى كووپەراتيۆى) بۇدان بىلاي مەنشىك يەلەرى بىرلەستىگى (ميب) بولىپ وزگەرەدى. ياعني, «تۇرعىنۇي-كوممۋنالدى شارۋاشىلىعى ماسەلەسى بويىنشا قر كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن قاراستىرۋ بويىنشا جۇمىس توبى دەپۋتاتتارىنىڭ كوپشىلىك داۋىسىمەن ء«بىر ءۇي – ءبىر بىرلەستىك – ءبىر ەسەپشوت» قاعيداسى بويىنشا ميب قۇرىلدى. تۇرعىن ءۇي-كوممۋنالدىق شارۋاشىلىق سالاسىنداعى وزگە رەفورمالارعا كەلەر بولساق, جوعارىداعى زاڭ جوباسى قابىلدانعاننان تۇرعىن ءۇي قاتىناستارىنا قاتىسۋدىڭ اشىقتىعىن قامتاماسىز ەتەتىن تۇرعىن ءۇي قورى مەن تكش-نىڭ بىرىڭعاي اقپاراتتىق جۇيەسى جاسالادى. كاپيتالدى جوندەۋگە اقشا جيناۋ قورى قۇرىلىپ, قارجى پيراميداسىن قۇرۋدىڭ الدىن الۋ ماقساتىندا تۇرعىن ءۇي كووپەراتيۆتەرى جويىلادى.
كوممۋنالدىق قىزمەت ارزاندايدى
2019 جىلدىڭ 1 قاڭتارىنان باستاپ ەلەكتر جانە جىلۋ ەنەرگەتيكاسى, سۋ جانە گازبەن قامتۋ, كارىز, تەلەفون بايلانىسى مەن ينتەرنەت قىزمەتتەرىنىڭ تاريفتەرى ارزاندايدى. سونىمەن قاتار ۇكىمەت پيك تاريفتەرىن دە قايتا قاراۋدى تاپسىردى. بۇل جەرگىلىكتى اكىمدىكتەردىڭ قۇزىرەتىنە كىرەدى. ۇكىمەت باسشىسى باقىتجان ساعىنتاەۆتىڭ ايتۋىنشا, تاريفتەردىڭ ارزانداۋى قىزمەت ساپاسىنا كەرى اسەرىن تيگىزبەۋى كەرەك جانە تكش نىساندارىنا جاڭعىرتۋ جۇمىستارى جۇرگىزىلۋگە ءتيىس. جالپى, مونوپوليستەر ەلەكتر مەن جىلۋ ەنەرگەتيكاسىنا, سۋمەن قامتۋدىڭ تاريفتەرىن جالپى كولەمى 20,3 ملرد تەڭگەگە ارزانداتادى.
كەيىن ساتىپ الىناتىن جالدامالى ءۇي سالىنبايدى
2019 جىلدان باستاپ كەيىنەن ساتىپ الىناتىن جالدامالى ۇيلەر سالىنبايدى. بۇل سانات نەگىزىنگەن اكىمدىكتە كەزەكتە تۇرعاندارعا ارنالعان ەدى. ۇكىمەتتىڭ مالىمەتىنشە, بۇل سانات جالپى قارجىلاندىرۋ تەتىكتەرىنىڭ تيىمسىزدىگىن كورسەتتى. جالپى, الداعى 15 جىلدا قازاقستاندا «نۇرلى جەر» بويىنشا 1,5 ملن وتباسىن ۇيمەن قامتۋ جوسپارلانىپ وتىر.
كەزەكتەگىلەردىڭ ساناتتارى قىسقارتىلادى
ۇكىمەت باسپانا الۋعا كەزەكتە تۇرعانداردىڭ ساناتتارىن قىسقارتۋ ارقىلى مەملەكەتتىك قوردان ءۇي الۋدىڭ ءتارتىبىن وڭتايلاندىرماقشى. بۇل «تۇرعىن ءۇي قاتىناستارى مەن رەننوۆاتسيا ماسەلەسى جانە قازاقستان رەسپۋبليكاسى استاناسى – استانا قالاسىن ارى قاراي دامىتۋ بويىنشا قازاقستان رەسپۋبليكاسىنىڭ كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنىڭ تۇجىرىمدامالارىن تالقىلاۋ كەزىندە ۇسىنىلدى. قۇجاتتى دايىنداۋشىلار جەرگىلىكتى اتقارۋشى ورگاندار ارقىلى تۇرعىن ءۇي كەزەگىندەگى قازىرگى 19 ساناتتىڭ ورنىنا الەۋمەتتىك از قامسىزداندىرىلعان ازاماتتاردى 8 توپقا عانا ءبولۋدى ۇسىندى.
اتاپ ايتار بولساق, ولار:
1) ۇوس ارداگەرلەرى مەن مۇگەدەكتەرى;
2) جەتىم بالالار مەن اتا-انا قامقورلىعىنسىز قالعان بالالار;
3) ۇوس ارداگەرلەرى مەن مۇگەدەكتەرىنە تەڭەستىرىلگەن ازاماتتار;
4) 1-, 2-ءشى توپ مۇگەدەكتەرى;
5) مۇگەدەك بالاسى بار نەمەسە مۇگەدەك بالا اسىراپ وتىرعان وتباسىلار;
6) قر ۇكىمەتى بەكىتكەن سىرقاتتار تىزىمىندە بار سوزىلمالى اۋىر اۋرۋمەن اۋىراتىن ازاماتتار;
7) كوپبالالى وتباسىلار;
8) مەملەكەتتىك نەمەسە قوعامدىق مىندەتتەرىن, اسكەري قىزمەتتەرىن ورىنداپ ءجۇرىپ, عارىش كەڭىستىگىنە ۇشۋ كەزىندە نەمەسە ۇشۋعا دايىندىق بارىسىندا, ادام ءومىرىن قۇتقارۋ كەزىندە, قوعامدىق ءتارتىپتى ساقتاۋ كەزىندە قايتىس بولعان ازاماتتاردىڭ وتباسى.