اقتاۋدا جاڭا ترانسفورماتورلىق زاۋىت ىسكە قوسىلدى

جوبالىق قۋاتقا شىققان كەزدە جالپى جىلدىق كولەم 6 ملرد. تەڭگەنى قۇرايدى, سونداي-اق زاۋىتتىڭ اشىلۋى شامامەن 150 جاڭا جۇمىس ورنىن قۇرۋعا مۇمكىندىك بەرەدى. بۇل ماڭعىستاۋ وڭىرىندەگى ەلەكتر ماشينا جاساۋ سالاسىنىڭ ەڭ قىسقا مەرزىمدە سالىنعان جالعىز كاسىپورنى, جوبانىڭ قۇنى 2 ملرد. تەڭگەنى قۇرايدى.

زاۋىت جوعارى تەحنولوگيالىق ەۋروپالىق جابدىقتارمەن جابدىقتالعان.  بىراق بۇل رەتتە قازاقستاندىق قامتۋدى وقشاۋلاۋ 90 پايىزدى قۇرايدى. اقتاۋ ترانسفورماتورلىق قوسالقى ستانتسياسىنىڭ بارلىق جيىنتىقتارى قازاقستاندا, ال ونىڭ ءبىر بولىگى Alageum Electric حولدينگىنىڭ باسقا كاسىپورىندارىندا وندىرىلگەن.

ءوندىرىس جۇيەسى اۆتوماتتاندىرىلعان جانە كومپيۋتەرلەرمەن باسقارىلادى. «زاۋىت جىل سايىن 4 مىڭ ترانسفورماتورلىق قوسالقى ستانتسيانى, ياعني كۇنىنە 20 بىرلىكتى شىعارۋعا ەسەپتەلگەن.

-بۇل كولەمنىڭ ءبىر بولىگى ماڭعىستاۋ وبلىسىنىڭ بارلىق قاجەتتىلىكتەرىن جانە وسى ءونىم تۇرىندەگى تاياۋ شەتەل نارىقتارىن جابۋ ءۇشىن جەتكىلىكتى, سوندىقتان 50 پايىز ءونىم ەكسپورتقا - تۇركمەنستان, ءازىربايجان جانە يرانعا جىبەرىلمەك. سونىمەن قاتار, وڭىردەگى «اقتاۋ» تەڭىز پورتى مەن قازاقستان-تۇرىكمەنستان تەمىرجول جولى» سىندى لوگيستيكالىق مۇمكىندىك ءبىزدىڭ ەكسپورتقا شىعۋىمىزعا جول اشادى, دەيدى جاڭا زاۋىت باس ديرەكتورى ولجاس ەسىركەپوۆ.

باس ديرەكتوردىڭ ايتۋىنشا, كاسىپورىننىڭ ءوز ازىرلەمەلەرى جولعا قويىلعان, جەرگىلىكتى جوعارى وقۋ ورىندارىمەن جانە كوللەدجدەرمەن زاماناۋي جوعارى تەحنولوگيالىق قوندىرعىلاردا جۇمىس ىستەۋ ءۇشىن ماماندار دايارلاۋ بويىنشا ءدۋالدى وقىتۋ جۇيەسى تۋرالى مەموراندۋم جاساسۋ مۇمكىندىگى بار. سونىمەن قاتار, ەكونوميستەر يران مەن كاسپي ماڭى باسسەينىنىڭ بارلىق ەلدەرىنىڭ ەكونوميكالىق بەلسەندىلىگىنە بايلانىستى ترانسفورماتورلار مەن باسقا دا ەلەكتر ماشينا جاساۋ ونىمدەرىنە سۇرانىستىڭ ءوسۋىن بولجاپ وتىر.

گۇلايىم شىنتەمىرقىزى,

«ەگەمەن قازاقستان»

ماڭعىستاۋ وبلىسى