بۇگىن رەسەيدىڭ سانكت-پەتەربۋرگ قالاسىندا شاحماتتىڭ راپيد جانە بليتس تۇرلەرىنەن الەم چەمپيوناتى باستالدى. بۇل جارىستا قازاقستاننىڭ التى وكىلى باق سىناۋدا.
ەرلەر اراسىندا وتەتىن باسەكەلەردە رينات جۇماباەۆ, مۇرتاس قاجىعاليەۆ, رۋستام حۋسنۋتدينوۆتان بولەك, دينارا سادۋاقاسوۆا, جانسايا ابدىمالىك جانە گ ۇلىسحان ناقباەۆا دا ونەر كورسەتۋدە. وسى سپورتشىلار اراسىنان جانسايا مەن دينارانىڭ مۇمكىندىكتەرى جوعارى باعالانۋدا. سەبەبى, ەكەۋى جۋىردا عانا رەسەيدىڭ حانتى-مانسيك قالاسىندا وتكەن الەم چەمپيوناتىنا قاتىستى. سول جارىستا سادۋاقاسوۆا ەكىنشى كەزەڭگە دەيىن جەتسە, ابدىمالىك شيرەك فينالدا شەبەرلىك بايقاسۋ قۇرمەتىنە يە بولدى. سونداي-اق, بليتستە مۇرتاستىڭ دا وتە جاقسى وينايتىنى بارشاعا ءمالىم. ول شاحماتتىڭ وسى تۇرىنەن كەزىندە ازيا ويىندارىنىڭ جەڭىمپازى اتانىپ, بىرقاتار حالىقارالىق تۋرنيرلەردە جۇلدە العان.
نەۆا جاعالاۋىندا ءوتىپ جاتقان جارىستىڭ جۇلدە قورى 2 ميلليون اقش دوللارىن قۇرايدى. بۇل باسەكەدە 37 مەملەكەتتەن كەلگەن 300-دەن اسا شاحماتشىلار باق سىناۋدا. سولاردىڭ قاتارىندا شۆەتسيالىق ماگنۋس كارلسەن, امەريكالىق حيكارۋ ناكامۋرا, ارمەنيالىق لەۆون ارونيان, رەسەيلىك سەرگەي كارياكين جانە تاعى باسقا جۇلدىزدار دا بار.
عالىم سۇلەيمەن,
«ەگەمەن قازاقستان»