قازاقستاننىڭ كاسىپقوي بوكسشىسى جانىبەك ءالىمحان ۇلى ءوزىنىڭ كەلەسى جەكپە-جەگىن 2019 جىلدىڭ 2 اقپانىندا اقش-تىڭ تەحاس شتاتىنداعى فريسكو قالاسىندا وتكىزەدى. ال ونىڭ ناقتى كىممەن جۇدىرىقتاساتىنى ازىرشە بەلگىسىز.
اقش-تاعى ايگىلى پروموۋتەر بوب ارۋم جەتەكشىلىك ەتەتىن Top Rank پروموۋتەرلىك كومپانياسىمەن كەلىسىمشارتقا وتىرعان وتانداسىمىز بۇگىنگە دەيىن مۇحيتتىڭ ارعى بەتىندە ەكى جەكپە-جەك وتكىزىپ ۇلگەردى. العاش تاجىريبەلى كارلوس گالۆاندى (كولۋمبيا) جەڭسە, قازىرشە سوڭعى جەكپە-جەگىندە الەكساندر ۆوننان (اقش) باسىم ءتۇستى. 2 اقپاندا وتەتىن كەزدەسۋ ءالىمحان ۇلى ءۇشىن اقش-تاعى ءۇشىنشى ايقاس بولماق.
ايتا كەتەيىك, اۋەسقوي بوكستاعى الەم چەمپيونى جانىبەك ءالىمحان ۇلى اقش-تا جەكپە-جەك وتكىزبەي تۇرىپ, ەلىمىزدە ەكى كەزدەسۋ وتكىزگەن بولاتىن. ونىڭ بىرەۋىن تەحنيكالىق نوكاۋتپەن جەڭسە, بىرەۋىندە ۇپاي سانى بويىنشا قارسىلاسىنان باسىم تۇسكەن. وسىلايشا, جانىبەك كاسىپقوي بوكستا 4 كەزدەسۋ وتكىزىپ, بارلىعىندا جەڭىسكە جەتتى. الەمدىك رەيتينگتە 110-ورىندا كەلەدى.
ءالي بيتورە,
«ەگەمەن قازاقستان»