وڭتۇستىك جانە سولتۇستىك كورەيا رەسپۋبليكاسى 2020 جىلى توكيودا وتەتىن جازعى وليمپيا ويىندارىندا سپورتتىڭ ءۇش ءتۇرى بويىنشا ءبىر تۋ استىندا شىعۋعا ۋاعدالاستى.
بىرىككەن كورەيا قۇراماسى قىزدار باسكەتبولى, كانوەدا ەسكەك ەسۋ جانە اكادەميالىق ەسكەك ەسۋ بويىنشا قاتىسادى, دەپ حابارلادى JoongAng Ilbo باسىلىمى. سونىمەن قاتار ەكى مەملەكەت 2032 جىلعى جازعى وليمپيا جانە پاراليمپيا ويىندارىن وتكىزۋ ءۇشىن ءوتىنىش بەرۋدى جوسپارلاپ جاتىر.
بيىل وڭتۇستىك كورەيانىڭ پحەنچحان قالاسىندا وتكەن قىسقى وليمپيا ويىندارىنا بىرىككەن كورەيانىڭ حوككەي بويىنشا قىزدار قۇراماسى قاتىسقان بولاتىن.
ءالي بيتورە,
«ەگەمەن قازاقستان»