قوستانايدا اياز كۇشەيىپ تۇر. بىراق تابيعات قاسكويلەرىنە بۇل كەدەرگى بولاتىن ەمەس. ولار زاڭسىز اڭشىلىق قۇرىپ, سارىشۇناق ايازدا ادامنىڭ قاسكويلىگىنە ەمەس, مەيىرىمىنە ءزارۋ كيىك پەن ەلىكتەردى اتۋدى توقتاتار ەمەس.
تابيعات قورعاۋ پوليتسەيلەرى جاقىندا قوستاناي-مامليۋتكا تاس جولىنىڭ بويىنان «ۆاز-2107» ماركالى جەڭىل كولىگىن توقتاتتى. جۇرگىزۋشىسى مەن ەكى جولاۋشىسى بار كولىكتى تەكسەرگەندە ونىڭ باگاجىنان اتىپ العان ەلىكتىڭ سويىلماعان تۇتاس ەتى مەن ەكى مىلتىق تابىلدى.
تەكسەرگەندە مىلتىقتىڭ ەكەۋى دە ماشيناداعى ءبىر جولاۋشىنىڭ اتىنا تىركەلگەنى بەلگىلى بولدى. مەڭدىعارا اۋدانىندا تۇراتىن ءۇش براكونەر قوستاناي اۋدانىنا كەلىپ, اڭشىلىق قۇرعان. ولاردىڭ ەلىك اتۋعا رۇقسات قاعازى دا جوق. براكونەرلەر كىناسىن تولىق مويىندادى. بۇل ءىس بويىنشا قر قك 337-بابىنىڭ 1-ءبولىمى بويىنشا «زاڭسىز اڭشىلىق جاساعانى ءۇشىن» سوتقا دەيىنگى تەرگەۋ امالدارى باستالدى.
ءنازيرا جارىمبەت,
«ەگەمەن قازاقستان»
قوستاناي