«ونەگەلى ءومىر» مەن «ءتىل-عۇمىر» كىتاپتارىنىڭ تۇساۋكەسەرى ءوتتى

ءتىل ءبىلىمى ينستيتۋتىنىڭ دي­رەك­تورى, فيلولوگيا عىلىم­دارى­نىڭ­ دوك­تورى, پروفەسسور, ۇعا كور­رەس­پوندەنت-مۇ­شەسى ەر­دەن قاجىبەك كىرىس­پە سوزىندە اكا­دەميك قايداردىڭ ءتىل ءبىلىمىن دامىتۋعا سىڭىرگەن وراسان ەڭبەگىن اتاپ ءوتتى. بۇ­دان كەيىن ءسوز العان اكادەميك­ ومىرزاق ايتباي ۇلى عا­لىمنىڭ بىرنەشە عىلىمي ەر­لىكتەرىن بايان­داپ بەردى. ءتىل بى­لىمىندە جاڭا سالالاردىڭ نەگىزىن سال­عاندىعىن, شاكىرتتەرگە جا­سا­عان قامقورلىقتارىن ايتتى. اكا­دەميك ءابدۋالي قايدار عىلىمي قىزمەتىندە 14 عىلىم دوك­تورىن, 75 عىلىم كانديدا­تىن تار­بيەلەپ شىعارعان ەكەن. اكادەميك ءاب­دۋالي قاي­­دار قا­­زاقستاننىڭ لاتىن الىپ­بيى­نە كوشۋ ماسەلەسىن ەڭ العاش بو­لىپ كوتەرگەن عا­لىم.

«جەر­ ءجۇزى وركەنيەتتى ەل­­دەر­دىڭ­ بار­لىعى وزدەرىنىڭ جازۋ مادە­نيەتىن كومپيۋتەر تەحنيكاسى ارقىلى دامىتىپ وتىرعان بۇ­گىنگى تاڭدا مۇنداي بولاشاعى زور مۇمكىنشىلىكتى ءبىزدىڭ دە تولىق پايدالانۋىمىز كەرەك. ال بۇل تەحنيكانىڭ تەتىگى لاتىن جازۋىندا ەكەنى ايداي انىق. سوندىقتان دا لا­تىندى قا­بىلداۋ دەگەن ءسوز – بولاشاقپەن ساناسۋ» دەپ جازدى اكادەميك ءوزىنىڭ ماقالالارىنىڭ بىرىندە. سول تۇستا كورنەكتى ءتىل­­­شى عالىم, اكادەميك را­بيعا سىز­­دىقوۆا: «اكادەميك ءا.قاي­دا­روۆتىڭ انا تىلىنە ىستەگەن قىز­مەتىنىڭ ەكىنشى ءتۇرى – 1990-جىل­داردان باستاپ قاۋىرت جان­دانعان ءتىل ساياساتىنا قا­تىستى قو­عامدىق ءىس-ارەكەتتەرى. بۇ­­عان عالىمنىڭ ازاماتتىق ار-ۇج­دا­نى مەن ۇلتتىق نامىسى اپاردى.­ ءا.قاي­داروۆ پرينتسيپتىلىك پەن تا­بان­دىلىق كورسەتتى» دەپ جازدى.

تۇساۋكەسەر راسىمىندە عالىم­نىڭ پروفەسسور ا.جۇبانوۆ, پروفەسسور ج.مان­كەەۆا, پروفەسسور ر.شويبەكوۆ سياق­تى ارىپتەستەرى, اباي اتىنداعى قازاق ۇلتتىق پەداگوگيكالىق ۋني­ۆەرسي­تەتىنىڭ پروفەسسورى ف.وراز­باەۆا, ءال-فارابي اتىن­داعى قازاق ۇلتتىق ۋني­ۆەرسيتەتىنىڭ پروفەسسورى گ.سماعۇلوۆا سياقتى شا­كىرتتەرى اكادەميك تۋرالى ىزگى نيەت­تەرىن ارنادى.

تالعات ءسۇيىنباي,

«ەگەمەن قازاقستان»

الماتى