«سىبايلاس جەمقورلىقتان ادا وڭىرلەر» جوباسى اياسىندا «اتىراۋ-ادالدىق الاڭى» جوبالىق كەڭسەسى اشىلدى. باستاما مەملەكەت باسشىسىنىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» جولداۋىندا ايتىلعان تاپسىرمالاردى جۇزەگە اسىرۋ ماقساتىندا قولعا الىنىپ وتىر.
جۇمىس ساپارىمەن مۇنايلى وڭىرگە كەلگەن قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ اپپارات باسشىسى سايان احمەتجانوۆ ايماقتا سىبايلاس جەمقورلىق دەڭگەيىن ازايتۋ, جۇرتشىلىقتىڭ سىبايلاس جەمقورلىققا توزبەۋشىلىگىن قالىپتاستىرۋ, اتىراۋ وبلىسىنداعى مەملەكەتتىك بيلىك ينستيتۋتتارىنا ازاماتتاردىڭ سەنىمىن نىعايتۋ كەڭسە جۇمىسىنىڭ باستى باعىتى ەكەنىن ايتتى.
ورتالىقتىڭ اشىلۋ سالتاناتىنا قاتىسقان وبلىس اكىمىنىڭ ءبىرىنشى ورىنباسارى سەرىك شاپكەنوۆ پەن بارلىق مەملەكەتتىك ورگان باسشىلارى, ۇەۇ, باق وكىلدەرى سىبايلاس جەمقورلىققا قارسى مادەنيەتتى قالىپتاستىرۋ ءۇشىن وسىنداي جوبالاردىڭ قاجەتتىلىگىنە نازار اۋداردى.
سونداي-اق ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىندە «Sanaly urpaq» جوبالىق كەڭسەسى جۇمىسىن باستادى.
ۋنيۆەرسيتەتتە «ادالدىق دۇكەنى» دە اشىلعان. ونىڭ باسقا ساۋدا ورىندارىنان ەرەكشەلىگى - ساتۋشىسىز ساۋدا جۇرگىزىلەدى, تۇتىنۋشى ساتىپ العان تاۋارىنىڭ اقشاسىن سول جەردەگى ارنايى ىدىسقا سالادى.
باقىتگۇل باباش,
«ەگەمەن قازاقستان».