بۇگىن ورتالىق كوممۋنيكاتسيالار قىزمەتىندە «قازاقستان» تەلەراديوكورپوراتسياسىنىڭ تاۋەلسىزدىك كۇنىنە وراي دايىنداعان ارنايى جوبالارىنىڭ تانىستىرىلىمى ءوتتى.
شاراعا تەلەراديوكورپوراتسيانىڭ باسقارما توراعاسى ەرلان قارين قاتىستىپ, «Qazaqstan», «Qazsport» جانە «Balapan» تەلەارنالارىنىڭ تاۋەلسىزدىك مەرەكەسىنە وراي ەفيرگە شىعاتىن ارنايى جوبالارى تۋرالى ايتتى.
باسقارما توراعاسى ەرلان قاريننىڭ ايتۋىنشا: ««قازاقستان» كورپوراتسياسىنىڭ قۇرامىنا كىرەتىن تەلەارنالار مەن راديولاردىڭ, ونىڭ ىشىندە ۇلتتىق ارنانىڭ ەڭ باستى ماقساتى - ۇلتتىق ونەردى, ۇلتتىق قۇندىلىقتاردى ناسيحاتتاۋ. ەلىمىزدىڭ باستى مەيرامى - تاۋەلسىزدىك كۇنىنە ءبىز ەرەكشە ءمان بەرەمىز. وتكەن جىلى حابارلاعانداي, بىزدەر جىل باسىندا, ەڭ باستى جوبالارىمىزدىڭ تۇساۋكەسەرلەرىن ارنايى تاۋەلسىزدىك كۇنىنە جوسپارلاعان بولاتىنبىز. سوندىقتان, اقپارات قۇرالدارى ارقىلى, ءبىزدىڭ تەلەۆيزيالىق ونىمدەر ارقىلى, حالىق اراسىندا تاۋەلسىزدىك كۇنى مەرەكەسىنىڭ ماڭىزدىلىعىن ارتتىرۋعا ۇمتىلامىز. تاۋەلسىزدىك كۇنىنە وراي, وسى اپتادا بولاتىن ارنايى جوبالاردىڭ باعدارلامالىق كەستەسىن الدىن-الا تالقىلادىق. سەبەبى, بۇل ءبىزدىڭ ەڭ ۇلكەن, ءتول مەرەكەمىز. وسى مەرەكە كۇندەرى اۋديتوريامىزدىڭ كەڭ جينالاتىنىن ەسكەرە وتىرىپ, تانىمدى, تاربيەلىك ماڭىزى زور جوبالارىمىزدى دايىنداپ, ۇسىناتىن بولامىز. بيىل, كورپوراتسياعا كىرەتىن بارلىق قۇرىلىمدارىمىز وسى تاۋەلسىزدىك كۇنىنە ارنايى دايىندالدى. ۇلتتىق ارنا «كەيكى مەرگەن» جانە «كۇي عۇمىر» اتتى تاريحي تەلەحيكايالاردىڭ تۇساۋكسەرلەرىن وسى مەرەكەگە ارنايى جوسپارلانعان بولاتىن. «Balapan» ارناسىنىڭ كىشكەنتاي كورەرمەندەرى بۇگىننەن باستاپ HD فورماتتا 3 جاڭا مۋلتحيكايانى تاماشالاي الادى: «ايدار», «دالا ويىندارى», «ەرتەمىر». قازاق انيماتسياسى ارقىلى ءوزىمىزدىڭ ۇلتتىق كەيىپكەرىمىزدى جاساپ شىعارۋىمىز قاجەت».
15 جەلتوقساننان باستاپ, «Qazaqstan» ۇلتتىق ارناسىندا 14:50-دە 16 ءبولىمدى «كەيكى مەرگەن», ال, 17 جەلتوقسان كۇنى, ساعات 21:50-دە كۇي ونەرى, قازاقتىڭ جانى – دومبىرانى ارقاۋ ەتكەن «كۇي عۇمىر» تەلەحيكاياسى. 16 جەلتوقساندا, ساعات 21:00-دە «Men qazaqpyn» گالا-كونتسەرتىنىڭ تۇساۋكەسەرى. گالا-كونتسەرتتە «Men qazaqpyn» جوباسىنىڭ جەڭىمپازدارىن تەرمە, كۇي جانە ءان جانرلارى بويىنشا ماراپاتتاپ, قازىلار القاسىنىڭ مۇشەلەرى ۇلجان بايبوسىنوۆا, ايگۇل ۇلكەنباەۆا, ايگۇل ەلشىباەۆا ءوز ونەرلەرىن كورسەتەدى.
15 جەلتوقسان كۇنى, تاۋەلسىزدىك كۇنىنە وراي, ساعات 18:20-دا «جەلتوقساننىڭ 16 كۇنى» اتتى دەرەكتى ءفيلمى كورسەتىلەدى. سونداي-اق, تاۋەلسىزدىك جىلدارىنداعى ەلىمىزدىڭ ەلەۋلى وقيعالارى مەن جەتىستىكتەرى, قر پرەزيدەنتىنىڭ اتقارعان جۇمىستارى باياندالاتىن «Qazaqstan» تەلەارناسى جانە "Igraphic" ديزاين ستۋدياسى بىرلەسە وتىرىپ دايىنداعان بەينەروليكتەر توپتاماسى ۇسىنىلاتىن بولادى.
سونىمەن قاتار ۇلتتىق ارنا كورەرمەندەرى ادەتتەگىدەي «ۇمىتىلماس اندەر» كونتسەرتىن, ء«ازىل الەمى» ويىن-ساۋىقتىق باعدارلاماسىنىڭ جاڭا شىعارىلىمىن كورە الادى.
ال «Qazsport» ارناسىندا 16 جەلتوقسان كۇنى, ساعات 10:10-دا «اناتولي حراپاتىي: مويا رودنايا شتانگا» اتتى دەرەكتى ءفيلمى, 19:35-تە «Qazaqstan FIGHTER» رەاليتي-شوۋىنىڭ فينالدىق كورسەتىلىمى, 23:00-دە «Astana arlans» كۋبوگىنا ارنالعان كاسىبي بوكس كەشى كورەرمەنگە جول تارتادى.
«Balapan» ارناسى 10-شى جەلتوقساننان باستاپ كىشكەنتاي كورەرمەندەرگە HD فورماتتا 3 جاڭا مۋلتحيكايا تارتۋ ەتپەك. دۇيسەنبىدەن باستاپ 12:35-تە «ايدار», 12:45-تە «دالا ويىندارى», 16:30-دا «ەرتەمىر» انيماتسيالىق فيلمدەرى ەفيرگە جول تارتادى. سونىمەن قاتار, «Balapan» ارناسىنىڭ كورەرمەندەرى «ورمان كۇزەتى» مەن «شاحمات پاتشالىعى» مۋلتحيحايالارىن تاماشالاي الادى.