بريتاندىق سۋرەتشى نيك ۆيزي ادامداردىڭ, جانۋارلاردىڭ, وسىمدىكتەردىڭ جانە باسقا دا زاتتاردىڭ رەنتگەن كومەگىمەن جاسالعان فوتوسۋرەتتەرى قويىلعان گالەرەيا اشتى.
كەيبىر زاتتار جايلى تەرەڭ ءبىلۋ ءۇشىن ولاردىڭ رەنتگەن سۋرەتتەرىنە قاراۋ كەرەك... اۆتور نيك ءۆيزيدىڭ ايتۋىنشا, مۇنداي سۋرەتتەر كۇتپەگەن مالىمەتتەردى انىقتاۋعا, نىسانداردىڭ كۇردەلى قۇرىلىمىن كورۋگە, ولاردىڭ سۇلۋلىعىن باعالاۋعا مۇمكىندىك بەرەدى.
«شىن مانىندە, بۇل جۇمىستار زاتتىڭ سىرتىنان ويلاپ الىنعان پىكىرگە قاراما-قارسى پىكىر تۋعىزادى. ولار كوزدەلگەن نىساننىڭ نەدەن تۇراتىنىن كورسەتەدى. فوتوشوپسىز, ءبارى سوت-مەديتسينالىق ساراپتاماداعىداي شىنايى», دەپ ءتۇسىندىردى سۋرەتشى.
وڭتۇستىك كەنت گرافتىعىنداعى Process Gallery گالەرەياسىندا ارنايى ستۋديا بار. وندا رەنتگەن جابدىعى بار جانە كەلۋشىلەر پروتسەسس ۇستىندەگى شەبەرلەر جۇمىسىن كورە الادى.
نيك ۆيزي وسى باعىتتاعى جۇمىسىن ءوز كروسسوۆكالارىنا جاسالعان رەنتگەننەن باستادى. بۇگىندە ونىڭ جۇمىستارى بۇكىل الەم گالەرەيالارىندا, سونىڭ ىشىندە - ۆيكتوريا مەن البەرت لوندون مۇراجايىندا كورسەتىلىپ ءجۇر.
© 2018 EURONEWS
ماقالانى اۋدارعان قارلىعاش قۇرامىس,
«ەگەمەن قازاقستان»