وڭىرلىك كوممۋنيكاتسيا قىزمەتىنىڭ ۇيىمداستىرۋىمەن «دوستىق ۇيىندە» «شوتان باتىر» دەرەكتى ءفيلمى تۋرالى باق وكىلدەرىنە ارنالعان بريفينگ ءوتتى. سپيكەرلەر رەتىندە شوتان نازار ۇلىنىڭ ءومىرى مەن باتىرلىعىن تاريحي تۇعىردا جان-جاقتى زەرتتەپ, قالام تارتىپ جۇرگەن جازۋشىلار مەن پروفەسسورلار قاتىستى. ء باسپاسوز ماجىلىسىنەن سوڭ وبلىس اكىمىنىڭ ورىنباسارى م.ن.سقاقوۆتىڭ قاتىسۋىمەن فيلم كورسەتىلىپ, ماراپاتتاۋ ءراسىمى بولدى.
دەرەكتى ءفيلمدى ءتۇسىرۋ جۇمىستارى 2017 جىلدىڭ 5 تامىزىنان باستاپ, ەلباسى ن.نازارباەۆتىڭ «بولاشاققا باعدار: رۋحاني جاڭعىرۋ» باعدارلاماسىن جۇزەگە اسىرۋ اياسىندا قولعا الىندى. «شوتان باتىر» قوعامدىق قورىنىڭ تاپسىرىسىمەن ءتۇسىرۋشى – جازۋشى, حالىقارالىق «الاش» ادەبي سىيلىعىنىڭ لاۋرەاتى, حالىقارالىق «تۇركى الەمى» تەلەستۋدياسىنىڭ باس ديرەكتورى دوقتىرحان تۇرلىبەك. بۇگىندە ماڭعىستاۋ وبلىسى, قاراعاندى وبلىسى, شىعىس قازاقستان وبلىسى وڭىرلەرىندە تۇسىرىلگەن «شوتان باتىر» ءفيلمى بىرنەشە تىلدەرگە اۋدارىلىپ, وتاندىق جانە تۇركىتىلدەس مەملەكەتتەردىڭ تەلەارنالارىنا جول تارتتى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى