كوكشەتاۋداعى اقىن كەشى

كوكشە توپىراعىنان تۇلەپ ۇشىپ, قازاق ادەبيەتىنىڭ بەلدى ءبىر وكىلىنە اي­نالعان شىعارماشىلىق يەسىنىڭ كەشىنە قالامگەردىڭ تالانتىن قۇر­مەتتەيتىن, ءسوز ونەرىن سىيلايتىن ادام­دار كوپ جينالدى. اقىننىڭ ءوزى تۋىپ-وسكەن زەرەندى اۋدانىنىڭ كوك­تەرەك اۋىلىنان كەلگەن اۋىلداس­تارى, زيالى قاۋىم وكىلدەرى, جەر­گىلىكتى اقىن-جازۋشىلار, جاستار, تاعى باسقا دا قوعامدىق جۇرت­شىلىق وكىل­دەرىنىڭ ەسىمى ەلىمىزگە كەڭى­نەن تا­نىمال قالامگەرمەن وسىنداي ءبىر جىلى شىرايلى جۇزدەسۋدى ساعىنىپ قالعاندىعى كەزدەسۋ بارىسىنان جاقسى كورىنىپ تۇردى.      

الدىمەن بەلگىلى اقىن تولەگەن قاجىباي, ەل اعاسى ايدوس ابۋتا­لىپوۆتەر قالامگەردىڭ شىعار­ماشى­لىعىنا تەرەڭىرەك توقتالسا, ەڭبەك جو­­لىن بىرگە باستاعان بەلگىلى جازۋشى, اۋدارماشى عوسمان تولەعۇل سان قىرلى تالانت يەسىنىڭ جۋرناليستىك قابىلەت-قارىمىن جىكتەپ ايتىپ بەردى. قالامگەردىڭ كۋرستاسى, قا­زاق­تىڭ بەل­گىلى جازۋشىسى مارات ءماجيتوۆتىڭ سوناۋ ستۋدەنتتىك كە­زەڭ­­نەن باستاپ ءسوز ونەرىنە قۇمارت­قان قورعانبەك اقىننىڭ ىشكى جان-دۇ­نيەسىن, ازاماتتىق بەينەسىن اي­شىق­تاپ ايتۋى, ادەمى شىقتى.   

اقىننىڭ جىلدار بويى جۇرەگىن جارىپ شىققان سىرعا تولى سۇلۋ جىرلارى توپتاستىرىلعان ەلەكتروندى جيناقتىڭ تۇساۋكەسەرى وتكىزىلدى. اجەلەر شاشۋ شاشتى, اقساقالدار اق باتاسىن بەردى. جالىندى جىرلار وقىل­دى, ولەڭ ءسوزدىڭ پاتشاسىنىڭ ۇس­تەمدىك قۇرىپ, باعىن جاندىرۋ جولى جايىندا ەل اعاسى بولات كو­شىم­باەۆ­­­تىڭ ءتۇيىندى پىكىرى كوپ كوڭىلىنەن شىقتى. ءسوزدىڭ قۇنى ءبوز­دىڭ قۇنىنان تومەندەگەن زامان­دا جاڭا ءداۋىردىڭ ادامدارىنىڭ كوكى­رەگىن تىرشىلىكتىڭ شاڭ-توزاڭىنان تا­زالاپ, تاڭعى شىقتاي مولدىرەتۋى قي­ساپسىز اسەر ەتەتىن ولەڭ ولكەسىنىڭ ءورىسىن كەڭەيتۋدىڭ جولى ارنايى قور قۇرۋ دەدى ول. بۇل ەڭ الدىمەن, اقىن­دارعا عانا ەمەس, اقىننىڭ الماس قىلىشتاي جارقىلداعان ءسوزى مەن مۇڭىن سەيىلتىپ, ارمانىنا قانات قاقتىراتىن الاشتىڭ وزىنە كەرەك. 

كەزدەسۋ كەشىندە قورعانبەك امان­­جول القالاعان الەۋمەتكە اق­ ال­عىسىن جولداپ, سوڭعى كەزدە جاز­عان ولەڭدەرىن وقىپ بەردى. قارا­شانىڭ سوڭعى كۇندەرى سۋىق اۋا بۋعان كوكشەنىڭ كوگىلدىر اس­پانىن بۋى بۇرقىراعان تاماشا جىرلار جىلىتىپ, جادىراتقانداي.

بايقال ءبايادىل, «ەگەمەن قازاقستان»