م.وتەمىس ۇلى اتىنداعى باتىس قازاقستان مەملەكەتتىك ۋنيۆەرسيتەتىندە تۇڭعىش پرەزيدەنت كۇنىنە ارنالعان «پرەزيدەنت – قازاقستان رەسپۋبليكاسى الەۋمەتتىك-ەكونوميكالىق جانە ساياسي تۇراقتىلىعىنىڭ كەپىلى» اتتى دوڭگەلەك ۇستەل ءوتتى.
جيىندى اشقان ۋنيۆەرسيتەتتىڭ عىلىمي جۇمىستار جونىندەگى پرورەكتورى قاجىمۇرات احمەدەنوۆ تۇڭعىش پرەزيدەنت كۇنى – مەملەكەتتىك بيلىك ينستيتۋتىنىڭ سيمۆولى, تاۋەلسىزدىك ىرگەتاسىن بەكىتە تۇسكەن مارتەبەلى مەيرام ەكەنىن ايتتى.
– قازاقستانداعى ەڭ كونە جوعارى وقۋ ورىندارىنىڭ بىرىنە سانالاتىن ماحامبەت وتەمىس ۇلى ۋنيۆەرسيتەتى مەملەكەت باسشىسى جۇرگىزىپ كەلە جاتقان بارلىق باستامانى قىزۋ قولدايدى. ويتكەنى بۇل رەفورمالار – ءار ادامنىڭ كوكەيىندەگى ارمان-ماقساتقا جاقىنداتا تۇسەدى, – دەدى قاجىمۇرات ماقسۇت ۇلى.
جيىندا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ وبلىس بويىنشا دەپارتامەنتىنىڭ سىبايلاس جەمقورلىق پروفيلاكتيكاسى باسقارماسىنىڭ باسشىسى ءبىرجان حايرۋللين ءسوز الىپ, اقجايىق وڭىرىندەگى مەملەكەتتىك قىزمەتشىلەردىڭ بۇگىنگى تالاپقا ساي جۇمىسىنا ساراپتاما جاسادى.
تاريح عىلىمدارىنىڭ ماگيسترى دانيال تانزەنوۆ بولسا, ەلباسى ن.ءا.نازارباەۆتىڭ قازاق حالقىنىڭ رۋحاني جاڭعىرۋىنا قوسقان ۇلەسى تۋرالى تاريحي تۇرعىدان ءسوز قوزعادى. ەلباسىنىڭ قازاق قوعامىنىڭ تۇراقتىلىعىن ساقتاۋداعى ەڭبەگى گۋمانيتارلىق ءبىلىم ماگيسترى گۇلبارام جالەكەنوۆانىڭ بايانداماسىنا دا وزەك بولدى.
ال وبلىستىق كاسىپكەرلىك جانە يندۋستريالدى-يننوۆاتسيالىق جەتىلدىرۋ باسقارماسىنىڭ باس مامانى, ەكونوميست نۇرلان تاشكەنوۆ ەلىمىزدە كاسىپكەرلىكتى قولداۋ باعىتىنداعى مەملەكەتتىك باعدارلامالار تۋرالى ايتىپ بەردى. جينالعاندار زاڭ عىلىمدارىنىڭ ماگيسترى داۋرەن ساعىنعاليەۆتىڭ «جاڭا كەلبەتتەگى قازاقستاننىڭ جاھانعا تانىلۋى» اتتى بايانداماسىن دا ىقىلاسپەن تىڭدادى.
قازبەك قۇتتىمۇرات ۇلى,
«ەگەمەن قازاقستان»