استاناداعى ۇلتتىق مۋزەي كىتاپحاناسىندا تۇڭعىش پرەزيدەنت كۇنىنە وراي «تاۋەلسىزدىك جانە تۇڭعىش پرەزيدەنت» كىتاپ كورمەسى مەن «ۇلت تىرەگى – ەلباسى» فوتوكورمەسى اشىلدى.
كورمەدە كىتاپحانا قورىنداعى نۇرسۇلتان نازارباەۆتىڭ قازاقستاننىڭ تاۋەلسىزدىك جىلدارىنداعى جەتىستىكتەرى تۋرالى كىتاپتارى كورەرمەن نازارىنا ۇسىنىلدى. سونىمەن قاتار ەلباسىنىڭ بوس ۋاقىتىندا ءسۇيىپ وقيتىن كىتاپتارى دا قويىلدى. پرەزيدەنتتىڭ سۇيىكتى اۆتورلارى تىزىمىندە اباي قۇنانباي ۇلى, ساكەن سەيفۋللين سەكىلدى ەلىمىزدىڭ ۇلى جازۋشىلارى بار.
ال «ۇلت تىرەگى – ەلباسى» فوتوكورمەسىندە «كازاحستانسكايا پراۆدا» گازەتىنىڭ ءفوتوتىلشىسى يگور بۋرگاندينوۆتىڭ, «ايقىن» گازەتىنىڭ ءفوتوتىلشىسى ايتجان مۇرزانوۆتىڭ, «ليتەر» گازەتىنىڭ ءفوتوتىلشىسى سوۆەتبەك ماعزۇموۆتىڭ, «دەلوۆوي كازاحستان» گازەتىنىڭ ءفوتوتىلشىسى تالعات عالىموۆتىڭ جۇمىستارى قويىلدى.
«ەلباسى نۇرسۇلتان نازارباەۆتى 1997 جىلدان بەرى سۋرەتكە ءتۇسىرىپ كەلە جاتىرمىن. جۇمىس بارىسىندا پرەزيدەنتتى تۇسىرگەن سۋرەتتەرىم كوپ. سولاردىڭ اراسىنان ەڭ ۇزدىك 8 سۋرەتىم بۇگىنگى كورمەگە قويىلدى. بەدەلدى ادامدار قاتىساتىن شارالاردا ۋاقىت وتە تىعىز بولادى. سول از ۋاقىتتى ءتيىمدى پايدالانىپ, وڭتايلى ساتتە تۇلعالاردى سۋرەتكە ءتۇسىرىپ ۇلگەرۋ كەرەك. كادردا ادامداردىڭ كوزقاراسى جانە ك ۇلىپ تۇرعانى ماڭىزدى», دەيدى «ايقىن» گازەتىنىڭ ءفوتوتىلشىسى ايتجان مۇرزانوۆ.
ءالي بيتورە,
«ەگەمەن قازاقستان»