كەنشىلەر استاناسىندا تۇڭعىش پرەزيدەنت كۇنىنە ارنالعان «ەلباسى جانە جالىندى جاستار» اتتى جاستار فورۋمى باستالدى. مەرەكەلىك شاراعا قالانىڭ قۇرمەتتى ازاماتتارى, ەلباسىنىڭ سەرىكتەستەرى, كاسىپكەرلەر مارتەبەلى مەيمان رەتىندە قاتىستى.
فورۋمعا قاتىسۋشىلار ەلىمىزدە پرەزيدەنتتىڭ باستاماسىمەن جۇرگىزىلەتىن «جاستار جىلىنىڭ» باستالۋىن جاريالادى. سونىمەن قاتار, قاراعاندىلىقتار #NURQADAM_KRG حەشتەگىن ىسكە قوستى. بۇل اتاۋمەن جاستار ءتۇرلى سالاداعى جەتىستىكتەرى مەن جەڭىستەرى جايلى جازعان ماقالالارى مەن جازبالارىن جاريالايتىن بولادى. اكتسيا قورىتىندىسى 2019 جىلدىڭ 1 جەلتوقسانىندا شىعارىلادى.
مەرەكەلىك كونتسەرتتە «Arizona» بي ءانسامبلى, مۋزىكانتتارى پرەزيدەنتتىك وركەستر قۇرامىنا كىرەتىن «Baizhan group» ۆوكالدىق-اسپاپتىق كۆارتەت سەكىلدى استانالىق ۇجىمدار ونەر كورسەتتى.
قايرات ءابىلدا,
«ەگەمەن قازاقستان»
قاراعاندى