اتىراۋدا تۇڭعىش پرەزيدەنت كۇنىنە وراي سالتاناتتى شارا ءوتتى, دەپ حابارلايدى اتىراۋ وبلىسى وڭىرلىك كوممۋنيكاتسيالار قىزمەتى.
-تاۋەلسىز قازاقستاننىڭ نەگىزىن سالۋدىڭ جانە نىعايتۋدىڭ تاريحي ميسسياسى ەلباسىنا تيەسىلى. قازاقستان تاۋەلسىزدىگىنىڭ نەگىزىن قالاۋشى, ەلىمىزدىڭ تۇڭعىش پرەزيدەنتى ن.ءا. نازارباەۆتىڭ جان جاقتى سارالانعان سىرتقى ساياساتىنىڭ ارقاسىندا ەلىمىز دامۋدىڭ وركەندەۋ جولىنان ءوتىپ كەلەدى.تاۋەلسىزدىك العاننان بەرى قازاقستاننىڭ جەتكىزگەن جەتىستىكتەرى ۇلان عايىر. ەۋروپالىق قاۋىپسىزدىك جانە ىنتاماقتاستىق ۇيىمىنا تورەاعالىق ەتۋىمىز, شانحاي ىنتاماقتاستىق ۇيىمىنىڭ وتىرىستارى, EXPO - 2017 كورمەسى جانە ت.ب بەدەلدى باس قوسۋلار. ارينە, تاۋەلسىز ەلىمىزدىڭ سيمۆولىنا, حالقىمىزدىڭ ماقتانىشىنا اينالعان استانا. ەڭ باستىسى ەكونوميكامىز تۇراقتى دامىپ, حالىقتىڭ ءال-اۋقاتى ارتىپ كەلەدى. بىرەگەي جوبالار نەگىزىندە حالىق قولداعان ەلباسىنىڭ تىڭ يدەيالارى, باتىل قادامدارىن ايتا كەتكەن ءجون. بۇگىندە قازاقستان وزىندىك كەلبەتىمەن الەمدىك قاۋىمداستىقتا ەرەكشەلەنەتىن ەل. تۇڭعىش پرەزيدەنت قازاقستاندى الەم تانىعان مەملەكەتكە اينالدىردى. ەلىمىزدى دامىتۋعا بىرلەسە ۇلەس قوسايىق,- دەيدى وبلىس اكىمى نۇرلان نوعاەۆ.
شارا بارىسىندا تۇڭعىش پرەزيدەنت كۇنىنە, سونداي-اق استانانىڭ 20 جىلدىعىنا وراي اتىراۋ وبلىسىنىڭ ساياسي-الەۋمەتتىك, مادەني دامۋىنا ەڭبەگى سىڭگەن قىزمەتكەرلەر «قۇرمەت» مەدالىمەن ماراپاتتالدى.
سالتاناتتى شارا قازاقستاندىق ەسترادا جۇلدىزدارى مەن جەرگىلىكتى ونەر يەلەرىنىڭ كونتسەرتتىك باعدارلاماسىنا ۇلاستى.