قالا اكىمىنىڭ ءباسپاسوز قىزمەتىنىڭ مالىمەتىنشە, سۋ قۇبىرى اۋىلعا «ايماقتاردى دامىتۋ-2020» مەملەكەتتىك باعدارلاماسى اياسىندا اۋىلداردى سۋمەن جابدىقتاۋ جۇمىستارى بارىسىندا تارتىلىپ, ىسكە قوسىلدى.
شيقىلداق اۋىلىنا كەلگەن قالا اكىمى نۇرجان اشىمبەتوۆ اۋىل تۇرعىندارىنا كوپتكەن كۇتكەن اۋىز سۋ ەندى يگىلىكتەرىڭىزگە جاراسىن دەپ تىلەك ءبىلدىردى.
سۋ قۇبىرىن جاڭعىرتۋ جۇمىسىنا رەسپۋبليكالىق بيۋدجەتتەن 215,8 ميلليون تەڭگە بولىنگەن. اۋىز سۋدى ۇزدىكسىز بەرۋ ءۇشىن قوس رەزەرۆۋار, سۋ مۇناراسى ورناتىلعان. سۋ قۇبىرىنىڭ ۇزىندىعى – 10,2 شاقىرىم. ەندى اۋىلدىقتار تاۋلىگىنە 12 تەكشە مەترگە دەيىن سۋ الاتىن بولادى.
سۋ قۇبىرىن قايتا جوندەۋ جۇمىسىن مەردىگەرلىك كومپانيا «گيدروپروم» جشس-ءى جۇرگىزدى. مەردىگەر يسلامبەك قۇلتۇمانوۆتىڭ ايتۋىنشا, سۋ قۇبىرىن تارتۋ,جوندەۋ جۇمىستارى بيىلعى جىلدىڭ ماۋسىم ايىندا باستالعان.
مەردىگەردىڭ مىندەتى -سۋدى اۋىلداعى سۋ تولتىرۋ رەزەرۆۋارلارىنا دەيىن جەتكىزۋ جانە ءۇش ساتىلى سۋ تازارتۋ قۇرىلعىسىن ورناتۋ. سسىيىمدىلىعى 500 تەكشە مەتر ەكى رەزەرۆۋارداعى سۋ قۇبىر ارقىلى ءۇيدى-ۇيگە جەتەدى.
شيقىلداق اۋىلىنىڭ 500-دەن استام حالىق تۇرادى. اۋىز سۋ قۇبىر ارقىلى تۇرعىن ۇيلەرگە, مەكتەپكە, امبۋلاتورياعا, مادەنيەت ۇيىنە, اكىمدىككە جەتتى. قالاعا قاراستى بوزشاكول ستانساسى تۇرعىندارى دا ەندى ق. ساتباەۆ اتىنداعى ارنا سۋىن پايدالانا الادى.
فاريدا بىقاي
«ەگەمەن قازاقستان»
ەكىباستۇز
سۋرەتتى تۇسىرگەن رىمبەك ەگىنباي